هنا

[أنثى حائرة]

بسم الله
يااخوان اني عندي مشكلة صعبة ،،، آني بنية غيوورة جداً ، واغار من الي احسن مني ،، مو غيرة هادمة انما اغار حتى اصير احسن.....

اني عمري 18 ورح اعيد الساادي ،، ﻷنه معدلي موزين 76 ،، واني اريد اكون مجموعة طبية بس مااعرف لييش مدا اطيق الدرااسة بنوووووب واهلي طول الوكت يكولوا لي كومي اقري كومي اقري ،، رح اتعقد كاافي !!! هسسة مو هاي مشكلتي ،، مشكلتي اريد اصير طبيبة نفسية ومن اشوف اطباء نفسيين كلش اغار واموت غيرة واتتزل الحياة واكضي وكتي بالنوم و الحزن ،،، فعلاً لحد يضحك بس اني اعشق الطب النفسي بجنون واعرف كوومة شغلات عنه !!! هسة اني صديق بابا عمره 45 طبيب نفسي امووت غييرة من اسمع بابا يحجي عنن او يحجي ويااه،،، اصلا اتعقد ....

ارجوكم سااعدوني اني اكررره الغيرة و اكره النااس الغيوورة ،،، وفوكاها من اعرف احد يوواجه مشكلة ومااعرف اساعده واشوف انه اكو طبيب نفسي كدر يسااعده بمعنى اني فشلت ...امدي انتحر !!!!!!!!!!

ارجوكم سااعدوني اني احترق من الغيرة !!

[♡zαняαα αℓтємємι♡]

خلي عندج ثقه بنفسج انو انتي راح تاخذين الطب النفسي والغيرة ماالها داعي ماكو واحد احسن من الثاني وانشالله يتحقق الي بالج يااارب

[عضوية57049]

هههه حتى اني اغار منهم واريد اصير د.نفسية -_-

بسس مو مشكلة انتي بما انج عايدة سنة ، فدرااستج المفروض تكوون مختلفة عن الطلاب العاديين !!

يعني انتي بهااي العطلة لتقرين اصلا ،، والعبي ع راحتج ... ومن تبدأ المدرسة شدي حيلج من صدك بس مو تضغطين ع نفسج بس المدرسة ﻷنج مفتهمة المادة اكيد ،، بس كوني وية المدرسات ،، بس فعلاً اقري زيين بالاربعيين يووم ،، ﻷنه ياامة شطاار شدوا حييلهم ببداية السنة وبالاربعين فشلوا بيها وما جاوبوا ع الامتحانات ( اني اختي الكبيرة صاار بيها هيج بس عاادت السنة وطلعت المعدل الي تستاهله ) ولتهتمين زاايد لكلام اهلج انما افتهمي المغزة منه اني هم اهلي يضووجووني -_- بس اني اعرف قصدهم والداافع ع كلامهم فأحاول اتقبله .....


وبالنسبة للطب النفسي حتى اذا ماحصلتيه مو مشكلة اقري كتب عنه ...الخ

مثلا صح اني احبه لدرجه! بس اعرف بابا وماما مرح يخلووني اروح له -__- ﻷنهم مطلعين عليه اشااعات ... بس اني اقرأ كتب ومقالات عنه

ولتنسين ( تفائلوا بالخير تجدوه ) ^_^

وبالنسبة للطب النفسي

[كبرياء فتاة]

ممممممممم والله ما اعرف شكولج بس اتاكلي على رب العالمين وانشالله تتحقق امنيتك

[ملاك العمر الابديري]

ممممممممممم كلنة نغار مو بس انتي الي يحس نفسة ما يغار بعدين يظل يغار صدكيني

[Lolly]

اختي العزيزه بدل لهاي الغيره اروح اشجع نفسي اخلي عندي هدف وطموح ..اجتهدي ...اتعبي ...لا تيأسي ..تجاهلي كلام الناس
خلي عندج اصرار وطموح عالي بتحقق حلمج اهم شئ توكلي ع الله وخلي ثقه قويه بنفسج تأكدي انج راح تصرين اللي تردينه بعد تعب
الاطباء النفسين هم مو مختلفين عنه كلنه بشر ونكدر نصير مثلهم ماعدا هم اجتهدوا

وتحياتي الج