أطلبت مني هويتي وما گلتلك ليش
أطلبت مني هويتي وما گلتلك ليش
لان ادري التريده واعرف الغايه
شلت روحي أعله چفي وماحسبت الموت
ومشيت دروب صعبه ومكلفه هوايه
ومتوقع أشوف الماتشوفه العين
ويقيني بالفرج والباري ويايه
بيك ادري نذل ماتملك الإحساس
وإسلافك خسيسه محلله دمايه
عجيبه شلون عينك تنضر الأيتام
وحقد گلبك حرمهه نومت الثايه
وعجيبه شلون تسمع صرخت الآهات
وعندك كل مصيبه هينه وحچايه
أشوفك من قريت اسمي اشتعلت بنار
واسود صار وجهك چن گفه مرايه
تسل سيفك عليه وسيفي انه محجوب
أحذرك من ظهوره وطلعت الرايه
وأحذرك من زعل كافل ظعون حسين
لان گاصد انه العباس مشايه
أحذرك من زعل مولاي أبو السجاد
لان الله يحبه وخصه بولايه
ارفع منزله من مكه والمقدس
وماگول السبب خل اكتفي بهايه
تمنيت أبقى ساكت ماحچيت وياك
وكاظم ضيم گلبي بجمرة احشايه
لان عندي عقيده بصاحب الثارات
يگوم يشيل سيفه يزيح بلوايه
منقوووووووول
رد مع اقتباس
