السلام عليكم ..
طبعاً يوم ولادتي 1\1 ( اذكركم بعيد ميلادي على مود الهدايا :p)
ماما البارحه سولفتلي عن يوم ولادتي و ردت ابجي على نفسي
ماما الله يحفظها ولدت 5 بنات قبلي و وراها ولدت اخوي و بعدين اني ...
فـ لما اجيت .. ماما ضاجت :( لانو بنيه .. طبعاً هي عادي تحب البنات و م تعترض ع نعمه الله
بس كلام الناس اللي خلاها تضوج -_- .. لانو جابت بنيه كلهم ظلو يحجون انو هي م تجيب بنات
م يحمدون ربهم و يسكتون -_- و اكيد ماما انقهرت من هالشي و ضاجت
فـ تركتني جوعانه بيوم ولادتي
و م انطتني حليب ولا حتى ببرونه اي (مميه) .. >>> متأثرة بطيور الجنه هع
(المهم بابا الله يرحمه م يدري انو هي عايفتني جوعانه ... ) قبل م ترجع امي من المستشفى جانت بالغرفه اللي بصف غرفه ماما
وحدة جايبه ولد مشوه (اسم الله على جهالكم المستقبليين
) فـ جتي تركض على ماما تكوللها انتي مو تريدين ولد اخذي ابني و انطيني بنتج
لانو زوجي يطلكَني اذا درى انو اني جايبه ولد مشوه تكول ماما باوعت ع ابنها اخترعت
جان كلت لها منو كال الج م اريدهاا ؟؟ جان خالتي كالتها جانت تتشاقه هي تريدها هههههههه
جان ماما حمدت ربها و رضعتني (و اخييرا اقتنعت ... الحمد لله ^_^) بس هي جاابتني ب6 الصبح و رضعتني بـ 11 الظهر هئ :(
يلا عادي المهم م عافتني جوعانه -_- ... بعدها رجعو للبيت امي رجعت ضاجت لانو الخطار اللي اجونا رجعو يحجون عليها و يكولون م فالحه بس تجيب بنات ..
. رجعت م تقبل ترضعني تكولي كل شوي ترضعين الجوعيه :( فـ اختي الفهيمه جان عمرها 5 سنين
راحت اخذت المميه و حطت بيها ماي من الاساله نعني مو ماي مقطر و حطت حليب و جابتها تركض الي تريد تموتني يبوووو اهئ
طلعت العائله الكريمه كلها تكرهني :( .... بابا شاف اختي جابت المميه الي جان كاللها من وين جبتي الماي ..
كالت اله من الاساله جان بابا عاط عليها و كاللها منو كال الج تجيبي من الاساله امشي فرغيها من الحليب يلا ..
جان اختي ام لسان كالتله شعليك انتوو مو م تريدوها و تكرهوها .. بابا كال الها منو ميريديها !!!
جان بابا راح ع ماما :( كاللها ليش هيج مجوعه المسكينه :( ) و ليش م تريديها ؟كالت له لانو بنيه
كاللها م عليج بكلام الناس اني راضي بيها شعليهم هم ( الحمد لله بابا انقذني ^_^)
فماما اقتنعت و ظلت م تهتم لكلام الناس لانو ما من وراه فايدة و لا اعتراض على حكم الله
و هذا جان يوم ولادتي :( .. بس الا اخذ بثاري بيوم ميلادي و اسوي احسن عيد ميلاد ^_^
كتبت هالموضوع مو يعني انو اني حقدت ع ماما -_- بالعكس بس ردت اوضح للناس انو
البنيه هم نعمه من ربنا و ميصير نعترض ولازم نشكر الله ع تمام الخلقه ^_^
( سمعو كلام خاله فيروز و احمدو ربكم -_-)
و اسفه ع الاطاله
رد مع اقتباس
بدونهن ما يحلى البيت هع
المشاركة الأصلية كتبت بواسطة حيدريه الهوى
