عيونك سولفن كل الخضار البيك
عيونك سولفن كل الخضار البيك
خضارك ياترف بس النده ايصدكه
واليسمع سوالف عين لازم عين
الكلب ينقاس من حنيه..مودكه
ولكن نظرتك شالت حزن مسجون
صح يشتم هوى بس روحه مختنكه
الحمار بوجنتك ؟لوأثرجف محتار ؟
لومن كثر مادمعتك ....محتركه ؟
ورجفة شفتك من هظم مومن خوف
أكو شاعر بروحك ..ضيجوا خلكه
بصدرك بين شهكه وشهكه واكف ناي
وبس الكلبه راعي يباوعك شهكه
شبكتك مو طعم ..لا ,للحنان البيك
والفاكدله ام ,ايفرزن ,الشبكه
اصد لجفوف اديك .زغار.بس اكبار
أكو للعرس صفكه .وللندم صفكه
مشوك بدرب بي حلمك اعله الكاع
شكد صعبه الحلم بجدامك تسحكه
كلبك والزمن متناقظات حساس
روحك والجروح اوي الملح رفكه
ولأن للشوك كلبك فاتح البيبان
وجهك لوكفاك ثنينهن ملكه
شكد طحت ابمحبتك .كلي طايح بيك
والشامت ابد ماطحت من حلكه
لخاطر لون شعرك ماكرهت اليل
وإلا الون الاسودلون ,,للحركه
عاجبني الخجل والكبرياء البيك
راسك شايله,,بس عينك مدنكه
ودمعتك عزتك .من تنزل اتهد حيل
مثل دمعة غريب اوينوخذ حكه
ليغثك العيد .ايلوكلك عاشور
ومن طبع الحزين يغزربعشكه
اكو بحجيك دفو..بس حظنك البردان
وحظن دافي صدك..عد غيري ماتلكه
أنه كلي الك .بس مو ألك مرات
العشك طيب .اذا يطعم بفركه
..................................................
محمد الفاطمي
رد مع اقتباس
