عليه الوكت بس لوعات شدهن
وانا سود المصايب شفت شدهن
حرت بلسم شحط وبعد شدهن
اذا حتى الجرح مجروح بيه
__________________________________________________ _______
عاهدت الحـزن مآعوفه فد يـوم _ ولآ أفرح بعد لآوالله هيهآت ¤¤
شيفيد الفرح للگلبه مجروح _ وشتفيد أبتسآمه وبيهه آهـآت¤¤
أذا جرحك كبر لآ تحچي للنآس _ لأن بعض البشر عادتهآ شمـــآت¤¤
يفرح من يشوفك تمشي مكسور _ وشگد ينقهر من تضحكله مـــرات¤¤
ميزهم أصحآبك وأقره العيــون _ أذا تعثر منو اليگلك ســلآمــآت ؟
__________________________________________________ _____
اذا سألوني عنك وين ماون
اكلهم وفالي واني خنته
واكلهم هو حطني بنص العيون
واني بلا سبب مجروح عفته
مااكلهم عفتني ورحت ومشيت ...
ولا ابين جرح قلبي الكسرته
اكول العين راحت من بجي الليل
والعاش بحزن مو اني انت
اذب الصوج بيه والله مو بيك
واكول اني القسيت ومارحمته
لان مااريد اخلي الشامت يكول
شوف شلون جازاك الي ردته!!!!
______________________________________
شفتهــــن بيــــــــك كــــل رســـــــوم الفــــراگ
عليمــــــن مستحــــي ؟؟ فاركَنــــي و إرتــــاح
أنــــا إتحمـّـــــلت منــــك ذيــــــــچ إلِــسهــــــام
أبشــــرك هســــه كبــــرنْ .. صــــارن رمــــاح
لتخــــــــاف بغيــــــــابك دمعــــة متطـيـــــــــــح
لأن ذكــــرك بكبــــــــره مــــن الگلــــب طـــــاح
_________________________________________
صح ابيض وجه بس كلبك اسود حيل
اسود من ليالي الواحد وتسعين
ومن تضحك تهيج وتبتسم هل الناس
انه الزارع ظحكتك بالكلب سجين
__________________________________
تفارگنه برغم ماردنه الفــــراگ
وكلمن اخذ جرحه وذكرياتــــــه
وصار الليل كلش مو حلو الليل
بعد ماجان وياك شحــــــــــلاته
شنسى وذكريات هواي ويـــاك
وشگول لگلبي المضحي بحياته
جنت منين ماباوع محبــــــــــين
هسه منين ماباوع شـــــــماتـه
__________________________________
عله هجرك كتبت هواي كلمــات
بس كلمة اعوفك عندي محضورة
لان شفت بغيابك هواي لوعـــات
اعلى حبك حبيبي روحي مجبورة
ومرة بصورتك جانت الي صفحات
شفت وجهك حزين ودمعت الصورة
_______________________
بغيابك ما كلت للناس مرتاح
يسألون واجاوبهم بالدموع
ها .. هسه يجي .. ها ... ذاك .. ها جاي
وتظل روحي ابملامة ناسهه اتلوع
واذا كالو شجاك اشلون حبيت
ادير ابوجهي وافتح غير موضوع.....
______________________________
رد مع اقتباس
المشاركة الأصلية كتبت بواسطة محمد ألعبادي
