تره ملّينه وعلي
تره ملّينه وعلي
دمّي صار عله الشوارع واهليه
إلتمّت إجلاب الطرف كلهن عليّه
هذا شعليّه يكول وذاك يصرخ ماعليّه
ودمّي لوّن أرصفة وماينجلي
تره ملّينه وعلي...
راح للمدرسة وليدي مبتسم
مكيّف ويضحك عرف يكتب اسم
تالي بجروحه انصبغ دفتر رسم
حتّه لو خنزير هم يغلي غلي
تره ملّينه وعلي
الوادم بخير إبأرض الله الواسعه
هذا يبني وذاك وسّع شارعه
وإحنه بس ارواح لاجن طالعه
صار ذبح البشر جن ذبح الطلي
تره ملّينه وعلي.
عيد ميلاد ويمر بابانويل
يونّس الأطفال من يكبل الليل
بس حلم أطفالنا صراخ وعويل
والهدايا اجفان يمّه بدّلي
تره ملّينه وعلي
الهاشمي لطّخ ايديه دم العباد
المالكي مصخّم بانواع الفساد
والهدف بالتالي تقسيم البلاد
ونبقه نصرخ بلكي تظهر ياولي
تره ملّينه وعلي
رد مع اقتباس
المشاركة الأصلية كتبت بواسطة جوهره واسط
