انكتلت القطرة الاخيرة من الحياء
انكتلت القطرة الاخيرة من الحياء وهي حامل بالشرف
والخطأ ما عاد يكتب والملك غض الطرف
والحجيتة آنة بخيالي صورة من احساس موت
اهمس بنظرة حقيقة التحلم يصير الهة صوت
وبين جلدات الضماير
عتب وية سنيني طول
القلم لو صار شايب ينكلب ويصير معول
ويبدي يكتب كلشي بيدة
ويرسم بكيفة الحضارة
الفقر ميزة شريف .. الغنى ميزة ضعيف
والخطأ بس بالعبارة !!
يا مشاهد لا تموتن .. المسرح دموعة الستارة
الرحمة طبت وية محمد وضلت بذيج المغارة
طلع ما طلعت علينة
وضلت اتاني السفينة
الواقعة ابحر الفقير
يم جبل خاطر يتيم
وقت موجة مؤمنين تآخذ لحظن النعيم
بصف شجر غصن الارامل
وغصن يابس للحوامل
عاشن سنين اعتراض
مريم النخلات ماتن .. شتآكلين بهالمخاض!!
.
للترف امجد الدراجي
رد مع اقتباس