ومضه وبيت - شعر شعبي عراقي منوع , مجموعة كبيرة من أشعار الحب , ومضات غزل . شعر 2014
ومضه وبيت - شعر شعبي عراقي منوع , مجموعة كبيرة من أشعار الحب , ومضات غزل . شعر 2014
ياربي عندي طلب
بس اعلة كد الحال
ماريد منك قصر
ولاريد اصيرن ملك
ياربي رايد ستر وشوية راحت بال
بديت اشتاقلك يومية واحتار
واذا مايووم اسمع صوتك احزن
جبت كلبي بيدي كربته للنار
وليش بنار حبك كلبي أمن
أخاف اعيوني من الشوك تنهار
وخايف لا يجيهن يوم يبجن
ويدمع اعيوني ينزل مو دمع نار
وكل دمعه شهر من توكع اصفن
ينشدوني عليك شلون وضعه وياك …
واكلهم مو طبيعي اهواي داراني.
وتطردني من ادك بابك وأكل للناس
طار من الفرح لمن تلكاني .
اشطبتني من سجلك واني اكل للناس
شطبني من سجله للكلب وداني
…كالولي يكرهك كلت غلطانين
يكرهني بشقه وبصدك يهواني
كالوا شلع كلبك كلت يعني اصار
شكو بيه اذا محبوبي شاقاني
بوكــــــاحة عيــــن جاي اتريد شتريد؟
ولاخجـــــــلان اجيـــــــــت ورايـــد اتعود
وتحاسبنـــــي على هجرك جنــي غلطان
وعجيــــبه اتريد منــــــي الجرحك شهود
الحـــمد ل الله على هاي وشاهدي وياي
غيـــــر اثار دمعــــــي الفـــــوك الخدود
حتـــى اذكـــــــرك هالمــــــره خليــــت
خنـــجر طعنــتــــــك ليهســـه مــــوجود
عادي وداعتك ماصار أي أشكال
هن شكم جرح وبظهري شايلهن
انساك_وينامن يصحن بذ****
وعلى طاري الخيانه يبجي نايلهن
الهيهن بترجع حتى بس ازتاح
لكن غير تبعد بيها ما يلهن
وأهلوس _جيت.احظنك.مابعت.حنيت
وصاحن بيه كافي شكثر كايلهن!
اناطر وكفتهن كلهن بطابور
بلهفه اتحظرت حسيت جاي الهن
وجرح يدفع جرح وتعاركن للموت
تعال بجفك ألمس شوف عايلهن
اوكف وحك خالقك عندي ويه كصتك حجي
ام اليتامه صدك لازم تقاضي الشعب
واطفالهه بكل صبح ها عمو عندك خبز
ومكيفه ذوله اجم تالي اجم بالتعب
صبرني اصبر الك لن انت اسمك وطن
ما انام انه بغفوتك تلكاني صبر الكصب
لكن كتلني الدمع كلما اطب بفرع
ما الكه لوس الجتف يلكاني دم الركب
الجوع صاير قسم والكرصه عرض الوفي
من تنشدك ياوطن جن اخته من تغتصب
ماكـاتـب قـصـيده عـل امـك اشـلـون
امـبـارك عـل يـخـونـك تـسهـر ايـام
ليـهـسه ابـطـرف اديـهـه اثـار الـكـمـاط
ولهسـه ابـكـاع صـدرك نـاصـبـه اخـيـام
ضـمـتهـه الـجـفـوف الـخاطــرك غـــير
ونتـه الخــاطـر امــــك ومضــه مـاضـام
ما تكدر تعيد الراح بدموع......
ولا تكدر تعوظني الخسرته.....
عشت العمر كلهى وياك مخدوع....
خذت كله البالي مني رته...........
ماريدك تجيني انتهى الموظوع....
جنت ماضي بحياتي وراح وكته........
خسرت العمر مثل سنين الشموع......
يظحي بكل حياته ويصير سكته....
اهلا ياجرح شوغايب شبيك
عشره عمر احنه شلون تتركني
متعود بدونك ما انام الليل
متعود انام وانته شابكني
صحت هاياا جرح تطعني وتروح
صرخ مليت منك روح وتركني
كافي ابلاسبب نتكاتل اني وياك
تكتلني واكتلك شنهو النحصله
كدام الغرب شايل عليه اسلاح
عيب العيب خويه وفشلة الفشله
اكتلني بشرط سدلي الفضائيات
واضمنلي الخبر ماو احد يوصله
وخل زعلك فرات اشمايريد ايطول
يم كرمة علي ويتراضه وي دجله
فضيت الشراكه وياي شنهي الصار
شنهي الحب لعب رايد تبطلـــــني
وخل نفرض لعب ومحالل وموهوب
بس ردلي شبابي الي تلف منـي
تشك بيه اخونك لاتـــــــــــلف ودور
قديمه سوالفك كامت متعبــــــرني
احلف بل عشك غيرك ولا حبــــيت
واذا مره نسيتك كون يصطــــــــرني
نصيحه من بشر جرب هواي اصحاب
وانواع البشر واسماء مختلفة
ربيلك( جلب) ممكن صديق يصير
احسن من صديق وجلب تكتشفه..
كولوله بابي انفتح للضحكة مو دمعه
والماقنع بالشمس اقتنع بالشمعه
توني عرفت الصدك
مو عشكة؟هذا العشك
يارب دعيتك يجي ؟لاربي لاترجعه
معرفت معنى الفرح والابتسامة شلون
جربت اضحك جذب بس حزني طلع لون
ردت ابجي بس لا كلت
من راح ماقصرت
لو بس يلم بالدمع كل عمره ميرجعه
ارتاح بس مو علي يمك حضن وانتجي
هم مثلي يحجي بدفو لو زعلك بالحجي
وياك جنت اختلف
الحجايه احطها بظرف
حيل استحي من الحجي لو كاعد تسمعه
كولوله بابه انفتح للضحكه مو دمعهخـــــــاف كـــالــولــك حجــــي ؟ عـــــــوفه ويجيــــــــك
البيـــــــــه ســــــولـــــف مـــــاحجــــالك بالصحيــــــــح
العنــــــــــده نيـــــــــة ســــــوء أشـــــــم دورة كفــــــاه
ايطيــــــح مــــن عينـــــي قبــــــــــل لا منــــه أطيــــــح
انــــا مـــــــــــوذاك اليجـــــــــلــــــــــب بـــالذيـــــــــــال
اليصيـــــــــر أتــــــــراب . أصيـــــــر أبــوجهـــــه ريــــــــح
يكولون البشر بالدنيا كلشي يشوف
واني ادري الصبر مفتاح كل شده
وانصحك لو طحت لا تشكي لناس
سولف ضيم قلبك للمخدة
وظل شامخ ابد بالك تطخ الراس
واكسر خشم وكتك وشوفه حده
واصبر عل قهر واتحمل الضيم
ولا تصغر بعينه وصير كده
واختار الي يحبك ياقلب دوم
وبابك لليكرهك دوم سده
ﺍﻧﺎ ﺍﻟﻜﺎﻟﻮﻟﻲ ﺗﻮﺏ ﻭﻛﻠﺖ ﻣﺎﺍﺗﻮﺏ
ﺩﺧﻠﻨﻲ ﺑﻬﻮﺍﻙ ﺍﺗﺤﻤﻞ ﺫﻧﻮﺏ
ﺷﻤﺎ ﻳﺤﺠﻮﻥ ﻋﻨﻚ ﺍﺑﻘﻰ ﻭﻳﺎﻙ
ﻭﺗﻈﻞ ﺍﻧﺖ ﺍﻟﻌﺰﻳﺰ ﻭﺍﻏﻠﻰ ﻣﺤﺒﻮﺏ
ﻭﻟﻮ ﺑﻴﺪﻱ ﺍﺳﻮﻱ ﺍﻟﺤﺒﻨﻪ ﺗﻤﺜﺎﻝ
ﻭﻋﻠﻰ ﺍﻟﺘﻤﺜﺎﻝ ﺍﻛﺘﺐ ﻣﻨﻪ ﻣﺎﺗﻮﺏ
ﻭﺍﺷﻮﻑ ﻟﻠﺸﻤﺎﺗﻪ ﺍﻟﺮﺍﺩﻭ ﺍﻧﺴﺎﻙ
ﺍﺳﻤﻚ ﺑﺎﻟﻜﻠﺐ ﻳﺎﻟﻐﺎﻟﻲ ﻣﻜﺘﻮﺏ
تسعى الناس تسمع مني اشعار
وآني وشعري كله لكَلبك اسعــى
وسبعه من الإسبوع تصير الأيــام
بس ويـــاك احس اليـــوم سبعـه
طبعـــه وبالكَـلب خـليـت وأختــام
ومن طبع الكلب ما ينسى طبعـه
ربـــع من الكَلب للنـاس محجــوز
وإلك كل الكَلب ناسـه ويَّـه ربعــه
صباحك عسل يازهرة التفاح
وصباح السم دخل كلب اليكرهونك
ولك حتى النحل عاف البساتين
كال اشبع رحيق بنظرة عيونك
مو حقي احبك موت واهواك
مو حقي اصير اليوم مجنونك
اذا حتى اليكرهك كام يهواك
على هذا الجمال البيك خيعونك
ماريدك تكلي اني اهواك
بس رايد تكلي كلمة شلونك
ومضه وبيت - شعر شعبي عراقي منوع , مجموعة كبيرة من أشعار الحب , ومضات غزل . شعر 2014
رد مع اقتباس
