هنا

[فقار الكرخي]

الوطن يحتاج وكفة
بعد هذا الوطن مايحمل الصدعات
مجمن للجروح ودوم ينزف دم
صدكنة البعض ضنينة بيهم خير
ومن كثر القهر كلب الوطن ورم
تجار اصبحو ياناس بالارواح
وكلمن جاي رايد بينة يتعلم
يومية نشيع هاكثر اموات
وبكل بيت ننصب فاتحة وماتم
معارك عالكراسي وهالشعب جوعان
ومليارات راحت وين مانعلم
من طاح الصنم كلنة الامور بخير
وينة الخير صارت انة وبن العم
من يحجي السياسي انكول ماكو اقصور
والواقع مرير وحنضل ومبهم
يامكثر خطبهم والحجي المعسول
ومن تحت العباية اجم امر يبرم
حرامينة وكح والعيب بالناطور
وحرامي البيت كلشي وياه مايرهم
انريد الشعب كون ابعقل يختار
لتغرة الوعود وبيهه يتوهم
خل يثبت جدارة ابداخل الصندوك
وببهامة ينور ليلنة الاظلم
محتاج العراق النور من اسنين
المهم هذا العراق انريدة يتقدم

[زهرة الرمان]

يسلمؤؤؤؤؤؤؤؤؤؤؤؤؤؤؤؤؤ

[محمد ألعبادي]

شكرااا لك

[فقار الكرخي]

نورتو الوضوع
شكرا لكم