لاترجع بعد خلينه خلينة ..
لاترجع بعد خلينه خلينة ..
تره تعودنه كلمن دمعتة بعينة ..
عليك انه وعلي مو قافل ! اتسرگيت!
وانه ابن ناس ميطكن سراكينة
انه ابن ناس من نفرح فرح بأخلاق .
بس بجيوبنه نهزهز جفافينه ؟؟؟
بس كون اقتنع حبنه احنه غلطه كاع
والصبير يكسر هيبه الطينة...
بس كون اقتنع من كتلك شسويت !!!
باقي وياي لو يمكن تجافينة..
من بينت!طبكة حاجبك ! والايد
واصبع يدفع اصبع كلت ناسينة...
الطبك جدمه اعله جدمك بالمشي اتحداه
اذا رجليه جانت مثل رجلينة ..
اسئله وكله ضايك فشله الخطاب !!
لو كالتله ناس لغيرك انطينة ...
اسئله وكله ضايك جلمه الماريد ؟
من لسانها يصير بمعانينة..
صح متريدهم!! بس شبعتهم شوف !
موشرط انته جفك وسط جفينة ...
الدروب المالحه الطبتها كطره ماي .
نستاحشها اذا طبت سواكينة...
بعد مو ذاك انه الارجف لملكاك !!!!
لادفيان!! واتحده البرد وينة...
مثل ماقانعك واتراهمت وياه...
هم راح الكه واحد يقتنع بينة ...
بس راح الكه واحد من اكله يموت!
يلف جفنة اعله خصرة !وصدك هاوينة.
والله يسهل لخطواتك وعالخير..
عود اذكرني اذا صدفه وتلاكينة....
الشاعر امجد الدراجي
رد مع اقتباس
