رسام وبهذا الرسم.!
صاحت عليه الصايحه ...
ارسم حجي..يطلع بجي؟
والدمعه تنزل طايحه..
ارسم فرح...يطلع جرح!
والفرحه كلش رايحه..
ارسم شمس..يطلع عرس!
وبصفه تلكه الفاتحه..
تعال نصير قصه بدفتر العشاك...
انته اصير حبي...وانه مجنونك..
..مدري ليش ارتاح للوجه الثگيل...
ومدري ليش يروح وابقى مناطره...
اني عكس الناس اموتن عالقليل....
والمصيبه هواي عفت لخاطره...
هواي گاعدلك يبو احساس البخيل...
گعدة الجف اعله خد الساطره...
والله ما اگدر اعوفك مستحيل...
شلون اصوم گبال عالم فاطره...
من كثر ما انتجي ..ومابيه حيل...
صاير انسه جفوفي فوك الخاصره...
تغلط .. تعتذر …. ملّيت هالموال..!
كافي وخلّ اسمعك مرة موالي
ماريدك بعد .. تحلم اسولف بيـك
وعلى امثالك چذب ما اضرب امثالي
واصنع من جهنم سور حول البال
خاطر تحترگ لمن تجي إبّالـي
چن زهرة شمس چنت آنة ادور اعليك
هسة اعقلهة.. شمسك تعبد إذيالي
واحد زائد انت وما يساوي اثنيـن
اذن بس آنة وحدي الناتج اجمالي
يمكن راح اسامح وانسة كل الراح
يمكن؟ لا مو يمكن ؟ شنسه كتــالي
رد مع اقتباس