احرجني عمدا كدام الاستاذ
السلام عليكم
هذا الموقف حصل معي وانا بالمرحلة الاولى بالكلية ... لاني جنت متفوقة كان عدنا استاذ يعاملني معاملة خاصة و يميزني عن كل الطلاب ودائما يمدحني فكان واضح للكل هذا الشيء
بيوم من الايام كان عندنا امتحان بمادته امتحان الفصل الثاني وانا الفصل الاول ماخذه اعلى درجة على الكل
بيوم الامتحان كنت مريضة جداوما دارسة حتى نص المادة الداخلة للامتحان ..
قبل الامتحان بنص ساعة كنا واقفين اني وصديقتي واكو طالب كان اكبر مننا بالعمر بهواي كان واقف ويانا و دنسولف عالمادة .. اني كلت اني ما دارسة حتى نص المادة لان مريضة فصديقتي كالتلي كولي للاستاذ حتى يأجل الج لان يحبج هواي وماراح يرفض طلبج اني كلتلها لا مستحيل اطلب يأجل لان تعرفين هو ما يحب التأجيل و بعدين هو يعز كل الطلاب مو بس اني ....
بهاي الاثناء اجا الاستاذ شافنا دنسولف بالممر سلم علينا وكال شلونه وضعكم اني كلتله موزين كال ليش كتله لان مريضة ... الطالب الي كان ويانا كال اي استاذ داستان مريضة ودتكول الاستاذ يحبني كلش و راح يأجل الي الامتحان
من كال هذا الكلام اني انصدمت خجلت جداا لدرجة فورا حرارتي ارتفعتو حسيت راح ينفجر وجهي من الحرارة بحياتي ما خجلت مثل هاي اللحظة
فورا كلت والله استاذ ما كلت هذا الكلام وصديقتي كالت اني الي كلت موهي
الاستاذ حس اني خجلت وارتبكت وانزعجت من كلامه فضحك و كال هاي المرة ما كلتي بس ثاني مرة كولي وبكل ثقة
لان اني فعلا احبج وكلش هواي و صارلي شكد ادرس ماشفت طالبة ثانية لابالتزامج ولا بذكائج وانتي مميزة جدا يمي ولو تطلبين اي شي تاكدي اسويه بس تعرفين اني ما ااجل لاحد لان حلفت يمين ... كتله ادري استاذ ولذلك ما طلبت منك
و من راح الاستاذ اني عاتبت هذا الشخص وزعلت منه جداا لان اولا ما كلت هذا الكلام مستحيل اكوله لان حتى اذا كنت متاكدة انه يحبني ما احجي بهاي الثقة الزايدة وثانيا لان حتى وان حب يشاقى فالمفروض يستعمل غير كلمة مثل يعزني او غير كلمة لان حتى اذا المعنى واحد هم تبقى كلمة يعزني اخف و مقبولة اكثر كدام استاذنا ... مع العلم الاستاذ يحبني كبنته و انا نفس الشي طبعا بس هم يبقى الاحراج بالثقة الزايدة بالكلام
اعتذر مني هذا الشخص بس هم ضليت شهور ما احجي وياه لانه جان متقصد يحرجني
رد مع اقتباس
والي يكول خطيه هم اكتله وياه 
واسويها حرب 
المشاركة الأصلية كتبت بواسطة Narjess AL_Mossawy
استمتعو بكل دقيقة لان بعدين راح تندمون 