صفنه تماثيل للشاعر ( جبار رشيد)
اركض ما اطيح وبيه اشمت الكاع
ومو انه اليظل ياهو اليجي يفوتة
واركض بالعكس لو بيه دار الكون
اصير انة اليهد والناس مشحوتة
واكول الموت عز وعيشة الاحرار
مو شغلة اماني وكلمة مكبوتة
وهنيالي من اموت واخلص من الموت
واشيل انة انة واركض بتابوتة
واصيرن خوف اخوف وانة عايش موت
واشحدة اليجيني واهجم بيوتة
ميتين المكابر ما تشيل سيوف
بس جيب اليطب بالليل للموتة
خليني على حالي وارضى اصيرن ليل
ومن يدري شيضم الليل بسكوتة
مرات البشر بعيونة حجية يصير
مو كل السوالف واضحة بصوتة
التماثيل بطبعهن الخرس والصفنات
وتحجي شكد معاني وهية منحوتة
وبن ادم جذب وبحلكة ميت لسان
يا صدك الجذب والناس مبخوتة
رد مع اقتباس
