الشاعره شـهد المعموري والشاعره وجدان الناصري ..مساجله
الشاعره وجدان الناصري
خجﻻن القلم ما يكتب اﻻبيات
ومحتار بقوافي الورد و الجوري
ﻻن واگف گباله من الشعر بستان
مﻻكه وجدان و شهد معموري
..........................................
الشاعره شهد المعموري
ارحب بيچ غصبن عني مو بالكيف
و اظن واضح كﻻمي اوصلت الفكرة
احب دوم نتواصل ليل ويه نهار
بكل سرور
و كل واحد يقدم ما هوه بشعره
.................................
الشاعره وجدان الناصري
و كل واحد يقدم ما هوه بشعره
شهد هاي القوافي توسلت ترجوچ
ﻻتقصرين عنها بقلمچ وحبره
خلينه نتزعم عالم اﻻشعار
و نعلن آنه و انتي اعله الشعر ثوره
.............................
الشاعره شــهد المعموري
اميره اصبح على و انتي هم اميره وياي
و نقود السفينة و نبحر ابحره
و نوصل آنه وانتي الشاطي اﻻوزان
و نبني للشعر من كل وزن قصره
...................................
الشاعره جدان الناصري
عرفنه بطبك المرضى تشافه
وتمنت روحي الشعرچ تشوفه
الهي شورطتني امرك تشا فيه
شهد منچ نريد اﻻبوذيه
.................................................. .............
الشاعره شهد المعموري
وجدان و اسمچ وجدان و اﻻسم عنوان
و عنوان الجمال مصدر سروري
فرق بينچ وبيني من اﻻزل موجود
شنو المعموري گبالچ ناصري
..........................
الشاعره وجدان الناصري
شهد طعم العسل كتبت احسين
واسمج هم شهد ما ندري شنگول
خدمتي حسين عالراس انتي و العين
بس امحاميه هم انتي معقول
..................................................
الشاعره شهد المعموري
والله حاره و عدي قضايه
وحس روحي انتهت اول بدايه
شيرد الروح لو ماتت من الجو
احس ياناس حلت النهايه
..........................................
الشاعره وجدان الناصري
احب احجي الشعر وياج كل يوم
و عن احسين ما بطل شعرنه
ابد مامر علي احساس مندوم
اذا عن الحسين احنه كتبنه
شهد منج تعلمته الشعر كله
شهد حلو الشعر و اﻻحلى بالحله
شهد وجدان سؤال اتقدمه اسأله
.........................................
الشاعره شهد المعموري
شسولف و السوالف خلصت اوياج
شريد اوصف جمالج يا ضوه العين
حرت ما عندي كلمه بوجدان تنگال
ﻻن ما اظن مثلج الگه بنتين
جمالج آيه عظمى و عينج سهام
تصوب بالگلب لو جنتي تدرين
....................................
رد مع اقتباس
