مدري وين ..
بيا درب عثرت خطوتك ارد اجـيك
ارد اجيك ..
بكثر ما ذابحني شوگي ومشتهيك
ودي اشوفك ..
ودي اضمك ..
حتى لو نسمة هوى وصدفة تفوت
روحي علشباچ توميلك تريـدك
ارجعلها ..خاف من ترحل تموت
خاف من ترحل هوى اغيابك يمرها ..
وانته تدري روحي شجرة!!
ومن تمر بيها خريف تـصـفـر وتنفض شعرها ..
وغيرك آيعوض مكانك ..
وترجع النسمة لأصلها..
يلمشيت آبلاية ملگه يكحل اعيون الشمس
تدري بية اشگد اذكرك ..
تدري بية ..وما تحس
صورتك اشهگهه صاير من يشح بية النفس
و بس عضم ضليت مرني وطكطك الحرمل علية
بيك اضن مسحور گالو..
الرجفة بعيوني احسه ومو بدية
تنادسو شمات بية عافه خله شگد خطية
گلبي لا تنساه مره
وشوف چم دگة نبض موجودة بية
وهم ذكرتك ..
و ارد انـام بفي گذلتك
ضمني وي خصلات شعرك لو عطر
ارد اشمـك واحتـويك
خاف تسري بداخلك نية هـجــر..
رد مع اقتباس
المشاركة الأصلية كتبت بواسطة الريم
