ياموطني.. معزوم باجر عالبجي!!
ياموطني..
معزوم باجر عالبجي!!
الموعد أباب الضلع
الساعه بالحسره ودمع!
ياموطني..
بس موتفز من تسمع آذان الجرح
حي أعله كل واحد وكع
مستشهد بچيلة عشگ
ياموطني...
موماتجي....
فشله النخل
منتظرك بوادي الزعل
مهضوم ميتله عثگ
ياموطني...
موماتجي.. راح انتضر
مكتوب عدنه اعله الورد
ممنوع فراشه تحط
ممنوع من يمهه تمر
راح أنتضر
تحفر اليل بفالتك
ابدمعتك
ابحوبتك
عتبني لويطلع فجر
ياموطني
بس من تجي.
جيبلنه وياك الشمس
كلوبنه بعازة ضوه
ياموطني
أطفال عدنه من البجي
بريتهه مخنوك النفس
تقنع بصوره من الهوه!
ياموطني..
عدنه الأرامل تختلف
الحمد لله والشكر
مقتنعه عيشتهه رغد
عدهه الرصيف يسد عمر
عدنه الحدايق تختلف
أشبه بأفلام الرعب
اطفال بيهه أتعلمت
تشتل عمرهه من الزغر
وتاني بلچي الله وتطگ تحصد صبر
ياموطني
عدنه اليتامه من القهر..
نزفت چبدهه من الجفن
..عندما قرأت ولن تجد أسمائها معلقتآ على جدار المصرف في لوحة أسماء العاطلين!!!....
ياموطني تحجي صدگ!
عفيه كلب مايختنگ
كل هذا بيك وماتحس
كل شوغه من أمي الصبح توكع شمس
ياموطني
العريس مات أول أمس..
ماخايف من أهله بچوا
وماخايف من أم الولد
خايف يداعوك بفصل
شتسكت أثياب العرس!!
ياموطني
اتعلم درس
لاتقنع بياهو اليجي
وتمدله جفك ياوطن
لتصدك يردلك فضل
بجفوفك يردلك ضرس!!!
.
رد مع اقتباس
