ودي اجيك
الكَلب أخذني...
كَلبي هو المشتهيك
ودي اركب عاصفه...
توصلني ليك
ودي اصير بكحل رمشك
مرود يبوس الجفون
ودي اصير...
بحلم ليلك
وأسكن بنص العيون
ودي اطير بجنح غيمه
ومن تشح كَاعك...
اجي وأمطر عليك
ودي أظل وياك طاير
وأبد ما احط اعله كَاع
ودي بعيونك اسافر
ودي بعيونك اسافر
وابحر بكلبك شراع
وك آخ يالتمشي...
ويه دمي
وصبحت بالدم شريك
آخ يا عذبي العصاري
بريتي احسك
بالنفس حسيت بيك
صار حته الكلب عندك
صرت احسنه بديك
ودي املك كلشي بيدي
شما غليت آنه اشتريك
ودي تبرالي يخلي
تصير ظلي....
ودي ما تبتعد عني..
تصير مني
تصير روحي
ومره لو فكرت تهجر
حته للروح أشتكيك
حته لو مت بغرامك
تبتليني وأبتليك
ودي اصير ويه الشمس
خيطان ضي
حته يوميه أجي أشرق عليك
ودي اركب جنح شوكَي
بسرعة الشوكَ اعتنيك
ودي كون الموت شركه
ومن يجيك الموت ...أ
صير آنه الشريك
ودي اجيك
ودي اجيك
.........
كلمات
ناصر الموزاني
رد مع اقتباس
