يامحلا ذيج ايامنه الماترد
يامحلا ذيج ايامنه الماترد
من جان املنه شايلينه بجنط
واحساسك الانثوي واحساسي الخشن
بمدرسة حبنه يداومن مختلط
جان المعلم يطرد المايحل
ومن متجاوب اني اطيح بورط
خاطر يطردني واجيلك ركض
لو يسأل اعله اسمي جاوب غلط
الزعل عند الكبار يترك حقد
وجنه احنه هم من اهالي الوعي
جف الصلح منعرفه يعني شنو
تزعل وترضى بس امد اصبعي
ومن وره عيونك كمت اشخبط شعر
وبس عالفرح قلت اكتب المسمعي
وجي انت يمي جنت اكتبه الفرح
وبس درت وجهك جربيت النعي
إطفال نمنه واخذ حصتنه الزمن
ولما كعدنه مار بينه الكبر
وقلدت انته انسان حب بوفا
وجنت اني اقلد ايدك بس بحبر
اكتب حروفك فوكهن بنقط
واتمنى كدامي يصيرن خضر
(واكشخ واجيك العصر واضرب ركن
وبحجة ترش بابكم تنتظر
منكول عيب الناس جي حب صدك
مو مثل هسه دغش بس بستر)
وتلافكتنه الجامعات ومشت
انته بكتر ذبوك واني بكتر
وذيج البرائه انمسحت امن الوجه
المكياج سوه خدود وجهك صفر
(وكروبك ابنيه ومادري جم ولد
تركض وياهم ماعدت تنتظر)
لما تعرفني صرت تنحرج
تكلهم كرايب مو حبيب الصغر...
من الاوان الوورد الجوري
الشفاف الجميل رائد ابو فتيان
رد مع اقتباس
