أشعار قصيرة 2014 , أجمل الأشعار الشعبية , شعر شعبي عراقي منوع ,
أشعار قصيرة 2014 , أجمل الأشعار الشعبية , شعر شعبي عراقي منوع ,
ليش تذنب بالعشگ ناوي تروح ..
وانت تدري اليبعد بعشگه كفر ..
ارجع لولفك تره ذنوبك هواي ..
استغفر الله من الهجر يكتل بشر…
بت بيت چان الدمع ..
مايطلع الا بستر ..
وبغيبتك. ما ظل ستر ..
چن عاهر دموعي صفن ..
كل ليله وبلا مستحى..
كلهن يسيرن عالوجن…
رداد ما ظل للدمع ..
مفتوحه بيبان الجفن...
شلون اجيك ..
ويادرب امشي واتبعك ..
خاطر يوصلني ليك ..
ووين الكه اثار جدمك ..
وانت للجنه طريقك ..
ولا نجم حط بسماي ولا گمر دلاني بيك ..
شكد بعيد هواي دربك ..
من صفنتي اطول بطوله ..
المات وبنص. روحه. زفه ..
باقيه بصدره هلهلوله ..
الرابي من الشعر بيته..
عالقصر فضل الچوله ..
اليوم احس عيوني كــــعدت طافية ..
وبردت بروحي الليالي الــــــــدافيه ..
هيج وصلوله الكلام
البس البرزخ وانام !
بوجهي ماتوجد ملامح عـــــــــــافيه ...
من نامت بحضني وغفت..
وتمدد بطولي الدمع..
وظلوعي شدت جم علك بظلوعها..!
مدري شركض فوكي وشغت ..
تمساح مدري ادموعها...!؟
يمر طرواك وتهندم سوالف بيك
وامر طولين واتمشاك
وانه ادريك ماموجود
واكول تعود!
البروحه شريعه يتاني فزعة جود
بَت بعد بالدّلال ..وجاهل يعت بي
يبجي امن اصيح عليه ..يگطعه من اخليه !!
النار الوجت بكلبي لطفهه
لان ما فاد وي ربعي لطفهه
بجيتلهم بجي زينب لطفهه
بنذاله حرمله ردوا عليه
ال مــا يدفةَ ويهَ ولفة َ
احساسة باارد حيلَ
من يحضن جهنمَ هم يضل بردانَ
أحس شاطي المحبه وياك .. قل ماي
ولا يكًدر يوصف الحـــــــــال .. قلمـــــاي
كلتلة اشويـــة دن بجفـــاك .. قل مـــاي
الى أن نعـــش روحـــــــك يمـــــر بيــــــة
جرعـت الضيم كله بكوب من كوب
ومـن ضيم العليه الوجه منكوب
انه المنكوب مو سلمان منكوب
الجره بسلمان ربع الصار بيه
جيتك الي بواهس عرس ..
لعيوني زفيت الصور ..
طيفين طولت عشرتك...
وجفوني حبلت شوفتك ..
خلّفت دمعات وسهر ..
الله ميرحمه تره المني خذاك ..
من. يصير حساب باجر بالحشر ..
يجي واسمه مشارك بطف الزواج
وكطع راسي بيوم. گطعان المهر ..
حنته دماي وحرگ خيمة صباي ..
طبعه طبع يزيد واوصافه شمر ..
جابوا الحزن اليشبهك يم صفنتي ..
ومدوا جفوف الحجاية التعرف اتجرجر عبرتي !
وجابوا النجمة التعرف شلون تتغطى بدمعتي ..
رادوا يحجوني كوه
وسولفوا .. حتى احجي جلمه
اتحسرت.. بس ماكو جلمه
صيحت .. بس ماكو جلمه
وعادوا اسمك من جديد ..
وطلعن بوجهي سوه دموعي وضحكتي !
جم صوره بيها اضحك جنت
من طولت شكيتها !
وجم حسره وي سرب الهوه
بذاك المطر هديتها !!
عيني بوداعك مابجت
بس هسه تدري اعله السطح
وي الهدم شريتها .!
بكثر ما بالدنيا باطل
الله طوخ حر جهنم
لحگو (توبو)
الدنيا حامل بالقيامه
وهذا تقريبا (شهرها)
.
الله جابك والبخت سواها
هي هاي اللحظة الاتمناها
شراح اسوي اليوم بيك
تبجي وانه اضحك عليك
دروس راح انطيك ماتنساها
عندي عيون بيهن صار طك خبال
بحيث بكل وجه الكاها راسمتك
يل مثل الهوه موجود دوم وياي
اشمك كل وكت بس عمري ما شفتك
يمته احس بروحي احبك
كافي نتفارك حقيقه ونلتم بشارع شعر
اخبص الشجره عصافير الصبح
اكعد براسي جكاره
وصفي نيتك
نية الجادر دمع
عوف كلشي...وجيب كلشي
الميت سوالف شمع
أشعار قصيرة 2014 , أجمل الأشعار الشعبية , شعر شعبي عراقي منوع ,
رد مع اقتباس
