دارميات تحشيش من السكارى أتمنى أن تنال أعجابكم
بسم الله الرحمن الرحيم
أود أن أجلب لكم في حقيبتي التي تعودتم عليها
كل يوم
اليوم عندي موضوع وهو ((دارميات تحشيش من السكارى))
اشرب واكول انساك اسكر وارد اشتاك
مدري العرك مغشوش مدري احنه عشاك
اشرب وكول انساك وسكر وذكرك
مو بالعظم ويطيب بالكلب كسرك
سكران اضل باليل للصبح بالحوش
مدري الشرب موزين مدري العرك مغشوش
سكران واحبك حيل والبطل شاهد
للصبح من فركاك صدكني كاعد
سكران واحبك موت مثل الطماطي
واشرب عليك هواي بيرة وقواطي
سكران واحبك موت مثل الجكارة
عاد انته شوف شلون حب السكارة
مدري شكول عليك مدري شوصف
حتى العرك ياناس صاير يخوف
آنه من اشوف هواي مطنكر عليه
اشرب عرك ببريج واصفك بديه
كش برة روح بعيد يالتشرب المشروب
الريحه هاي البيك حسبالي جاروب
شارب عرك ياناس ولابس كلاده
وين اليريد اليوم يعلن جهادة
مثل العرك يهواي اتمنى اشربك
مدري شلون الله سواك سبحانه ربك
يالتشرب المشروب انطيني وياك
حتى الله ماينساك ويدزلك اهواك
يالتشرب المشروب انطيني منه
حتى الله يرضه عليك وتدخل الجنه
قيس الشرب يازين يالتشرب المشروب
حتى الكلب يرتاح ويخله من الذنوب
اشرب وكول انساك وسكر وتركك
وتاخذني حسبه عليك وارجع اذكرك
اشرب وفكر بيك واسكر واشتاك
واكعد احاجي الروح من كثر الفراك
اشرب عرك ياناس وعيوني تحمر
يصطرني العباس لوبعد اسكر
سكران اضل سكران ولازم الشيشه
لوخلص المشروب اخذ حشيشه
حبك حبيب الروح خلاني اسهر
اشرب سفن بكلاص حسبالي اسكر
الكلب كاس ايصير ودموعي مشروب
اسكر وفكر بيك من يبدي الغروب
اتمنى اصيرا كاس وتلزمني بشفاك
وبحجت السكران اتباوس وياك
اتمنى اصيرا عرك وتشربني يهواي
وتلزمني بالشفتين وتتباوس وياي
يالشرب المشروب لازم تقيسه
موتتمدد عالميو مثل الفطيسه
اني اشرب المشروب وطلب عوازة
وجرع السم البي وكرط كزازة
منقول
رد مع اقتباس
المشاركة الأصلية كتبت بواسطة احمد الكرعاوي
