ياريم ..وإن كاني مع الوقت ماجيت
عندي وصيه ..وإحفظيها وصيه
خليك في شانك .. ولو عنك اقفيت
وروفي بحالك ..وإتركيني هنيه
عيشي حياتك ..وإحسبيني مع الميت
وردي على قبري .. سلام وتحيه
أدري غلاتي فيك .. مبني لها بيت
وأدري حياتك كلها .. في يديه
العذر منك بس .. لو كان زليت
ولا بعد لو جاك .. مني خطيه
ياريم انا من كثر ما اغليك عانيت
حتى ابويه .. حس فيني زريه
واقسم قسم ياريم مايوم حبيت
ولا كنت اعرف الحب فيني كذيه
كم مرة ٍ ياريم مع طيفك امسيت
وكم مرة ٍ طيفك يصٌبح عليه
ياريم انا ليلي هموم وتناهيت
مبطي ونار الشوق بالقلب حيه
من كثر ما احبك ..من الناس مليت
طيفك وهو طيفك تراني خويه
واليوم حان موادعك ..دون توقيت
ماعاد باقي.. يا حياتي بقيه
لاحدن خطُبك .. ومقصده يطرق البيت
امانتك اخذيه ..عني هديه
لو كان انا ياريم ..ماجيت وأوفيت
صعبه اسوي شي ..ماهو بيديه
روحي عسى ايامك لها بالفرح صيت
وانا على شانك.. بصير الضحيه
حكم البشر ساطي .. ولا ينفعك ليت
قسمه من الله .. تنقسم للبريه
وانا ترى بدعي على طول مامسيت
يالله عسى باقي حياتك هنيه
رد مع اقتباس
