فك بيبان صدرك وارحم بحالي
فك بيبان صدرك وارحم بحالي
ردني وكلي واهس للسجن مالي
على حيطان سجنك جنت أعد أيام
وراسم ذكرياتي وكلشي البالي
ردني اتخيلك من جان عندي جناح
كبل من جنت أشوف النجم مو عالي
ردني اتخيلك بالسوك ما مبيوع
بس الغالي يكدر يشتري الغالي
يل مرخص عيونك عاين بمكفاك
تلكه انسان هايم بيك للتالي
ودليني على جرحك حتى اجيك اضماد
واترسلك عيونك كون تخلالي
وانحر هيبتك وامشي بخلك ناعور
واجي كبال الشمس حتى اسبك خيالي
عفتني بغيبتك تمثال بس بيه روح
شما يشتاكلك ينفطر تمثالي
واجذب لو كلتلك سري ضل مكتوم
أبين من مشيتي من تجي بالي
جادر فاتحه بالعيد وجهي يصير
اليعايدني بغيابك جان ينعالي
وابجي ومدري وين تكودني الصفنات
وافز والكه الجفوف شلاعبه بحالي
واشبك صورتك وازمخ على الحيطان
ما يحلاجن عوفنه يحلالي
انا اصفن بيك صفنت كمر بالنجمات
تجي تنده الشمس بس يرجع يلالي
عشكتك ليل مو صابغ هدومك سود
رد خليني أحس بقيمت هلالي
ردني اتخيلك ما بيك هوسه ناس
ما مجبور انام بكبر مو خالي
.........
للمبدع الترف أحمد عاشور
رد مع اقتباس
