لابيهه عبرت نهر
لابيهه عبرت نهر
وامتون عطشانه ..
ولابيهه حيل النجم ووجوه نعسانه
صحره وسموم ورمل
والعثره ماتنسمع بجدام خدرانه ؛؛
بعيون كاتل شفت
جثه وعراضه وسلف ....
والجفن ماصب دمع بس طين شفته يصب
واعرفت مني وكلت ما حاجه اسئل بشر ؟
معروفه كتلت كصب .
فشلت اظنوني اعرفت
من يوم ماشاهدت بستان
ميت شجر ....
بي جم جذع محترك
والسبب كالوا كبل
جانت اثيابه ورك ؛؛
ومدري شحجه ويه الهوه
ولن غفله وسط النهر
سيست اثيابه وركض
بالنار روحه ستر ,,
المازرع ريشه بجنح
ليداعي حصه بسما
والنكر فضله ابحر وبزودي كال اطلعت
ليجيب طاري علي لو ضكه حوت الوكت
شباجي مامنسرك شارب الضوه بكل شمس
حكي امنشك بالذي برازونه يشرب ضوه
عافي بثنيته دغش
للبير ماذب حبل
خايف ؟ لان من حسب طلعوا اخوته اثنعش
لا يابحر لشوكت
صخره وتظل عالجرف
والروج كل ما حجه بيه يذب حركته "
ولشوكت اظل سنبله من اشتاك اصوفر وجه
وارجف بشوك من احن
خايف يفز لو دره والمنجل بلا رحم ماتنحزر شبكته
خلي اعله جرف السمه
غيمه شوكت مامتت يدفني روج الشمس
ولا شمعه اسير انه لديار ضلمه بعد
ينسيني روحي الخدر
سنطه وسوالف ضوه ؛
ومحد يلم جثتي من ارده ارد الهلي
واحتار بيمن ارد
من عندي مامش بقه
لا يافجرنه امش
خضر بروحي كهف
وهندس البيه نهر
ماتشربه مكبره
ماشربته مكبره
رد مع اقتباس
