حيّا الله الضلوعية:
حيّا الله الضلوعية:
من آمرلي دارت عالضلوعيه
والحيه التحاصرهن فرد حيه
فرضت عالجميع الذبح بالسيف
مايستثنى داعش دين .. قوميه
دم شيعي ويه سني نزف هاليوم
قربان الضلوعج يالضلوعيــــه
شيعي من سمع حيهم أجه وصاح
عد عيناج زود اشكبره الج بيه
أَلزم ساترج وافديج بالروح
جايب دمّي الج صوغه جنوبيه
واطيّب خاطرج يا زفة الموت
بشاجور الحِمَل هلهولة ابنيــه
ومن روس الدواعش اصنع دفوف
وفوك الشاشهم العب الجوبيه
وزلم جبور عالساتر يرفعون
بيرغ صال بالغيره العراقيه
بسم الله أكبر داسو اخشوم
أصحاب الظلال ورايه كفريه
مُـرّه جبور ما يجرعهه زردوم
اليبلعهه ابلهاته اتصير سليّــه؟؟
بيرغهه يگاوم شارب المـــوت
بزوده ايتله تل وياخذ الديّـــه
عراقي آني اليعضني يضوگ زقوم
اشكلّولك حلاوه آني طحينيه ؟؟
أنه من دِرّة امي راضع الزود
أم حرّه عرُبيه مو افغانيــه
معلمتني رضيع من ابجي بكماط
ملهّيتي المسـدس مو المميـــه
وشبيت عله شيل التفگ بالكون
عدنه الشاب فشله يشيل جفيـه
أنه ساتر شرف مصنوع من غيض
دجله ابجاه زندي يفخر ابميـه
بكل عـزّ الأجلهه استقبل الموت
گاعي ابمرتبة راس الشرف ليه
وراس الشرف هيّه ارض الضلوعيه
زاهد المسعودي
رد مع اقتباس