قصتي اوياك بقلمي
كان هناك شاب احب الفتاة التي تسكن امام منزلهم وتقدم كثيرا الى خطبتها ولكن اهل الفتاة لم يوافقو على الزواج وعارضو بشده فقامو بطرد الشاب الى الجبل القريب منهم وبعد مرور وقت طويل هربت الفتاة لتبحث عن حبها المفقود ووجدته . هذه هي فكرة القصيده والتي الهمني فكرتها شخص عزيز على قلبي لكم ودي اصدقائي والشكر الجزيل لهذا المنتدى الرائع .
عندي قصه وادري ملينه الم
قصتي وي محبوبي شو جنهه حلم
ادري تاليته العمر كله ندم
بس شسولف خلي ابدي ابيتنه
........................................
جنت اسمع صوت شباجه القوي
وافتح انه الباب بعيونه ارتوي
خدوده تفاحات شو يضون ضوي
الشَعر يسحر من جماله وصيته
.....................................
تسحر الوادم اعيونه ونظــــرته
ودخت حيل ابحبه انه وسلوته
چان كل ضني اظل ابرفگته
بس هله الگالولي لاتگرب ابد
....................................
اهله گالو ابتعـــــــــــد عنه تره
ماالك يمنه ولا اســــــــم المره
صحت انه ابصوت چاشنهو الجره
حبنه ضاع وطشريتو اسنينه
..................................
جاوبوني ابكل صلافه لاتظل
شيل حبك وارحل لعالي الجبل
دير بالك ترجه من عدنه امل
ولن سمعت ابصوت ويناديني
..................................
ارحل اترجاك لاتــــرجع بعــــد
گلبي عد غيرك فلا يلفي ابد
خلاف عينك لاتصدگ ما اصد
ويبقه اسمك يضوي كل اسنيني
.....................................
رحت انه ابساع عن عينه غبت
وانظر ادموعه من اعيونه تكت
ياحبيبي اشلون دولبنه الوكت
فرهه ويانه ابألم كلش قوي
...................................
دارت الدنيه تلاكينه ابمكان
ولن اباوع صورته الكله حنان
گتله ها محبوبي فراهه الزمان
كال اسكت خلي اسولف بلوتي
....................................
تذكر امن اسنين من گلت وصحت
ارحل اترجاك كافي ولاترد
بس بقت بالبال اعيونك تصد
ماگدرت ابقه واعيش ابدونك
......................................
صار ثلث اسنين ادور شوفتك
واسأل الوادم عليك ونطرتك
صرت قصة عشك كل اولايتك
ومابقه بس الجبل يلفيني
...................................
رحت انه اعله الجبل بلكت اشوف
عيون شخصك هم علي بلكت تطوف
جروحي طلكن حيل خل حبك يروف
بلكي اغمض العين وانته ابأيدي
.......................................
جاوبتهه وكلي شوگ وعاطفه
ياحبيب الروح حبك ماطفه
جنه جاهل وبحض امه غفه
خلي انه اوياك نبقه اثنينه
علي الشمري
يوم الثلاثاء المصادف 9-9-2014 الساعه التاسعه مساء
رد مع اقتباس
