ملينة من هالزمن بقلمي
ملينة من هاالزمن شفنا العذاب اشكال
مانعتب اعلى الزمن هذا الزمن غدار
شنهو الجنينة بعد متنا احنة كبل ابساع
واعين بس عالحرب ماندري شنهو الصار
لوهية حركة كلب هم يطفة هم يرتاح
من نار نطلع نضن طحنا احنا وسط النار
الموت جملة اشتغل ماميز المكتول
من عدنة مل وضجر صار اسمة بالاخبار
شيب وشباب وطفل فوكاهم النسوان
كل لحضة يحصد الف ماخلة كل تذكار
كاضيها كلها عكس مايرحم المسكين
ملينة من هاالزمن معيشنة دوم انذار
يافرح شنهو الجرى ماتمر ليش اهنا
جايمتة نفرح بعد يمتة العمر يندار
ميتين من الزغر بالاصل احنة اموات
جبناها حرب ابحرب وحروب عدنة اكثار
ابارض العراق اشجرى بحر الدمة موجود
بغداد مسرح صفت بيهة الجثث طشار
حتى المراقد بعد هدوها بالتفجير
ناسين سر من رائى ما ردت الخطار
وديالى صارت هدف بيهة اليطب مذيوح
تكريت شو مجزرة لمت اكبار ازغار
من نسمع ابنينوى كل كلب وحدة ايذوب
الموصل انباعت ترى واصبحت بصمة عار
بيهة الضمير انمسح سلموها رمشة عين
باعوها ولد البعث سووها ياستار
جابو اوياهم شمر وي حرملة الصعلوك
فتحوها ساحة حرب مصدرها باالانبار
#بقلمي_المتواضع
أعجبني
رد مع اقتباس
المشاركة الأصلية كتبت بواسطة Narjess AL_Mossawy
