هنا

[الملاذ الاخير]

أبو ذيات حسينية ... لمجموعة من كبار الشعراء


أبو فاضل بطف حسين ... كفه
جاد بعين... جاد النوب .... كفه
ميزان الفضل ما مال ...... كفه
لأن جفين عباس التجيه

للشاعر عادل الصويري



الوكت دمعات زينب ..... مستحلهه
وجيش الحزن بالطف... مستحلهه
شتظن عباس يرجع ... مستحي إلهه
وبلاية الجود وجفوفة رميه

الشاعر الحيدر الحرگاني



عباس الفضل كله وجوده
وحسين السبط علّة وجوده
سهم الصوب اعيونه وجوده
كسر ضلعين للزهره الزجيه

يبو اليمه وحگ مسلم وهاني
احبك لاتظن حبك وهاني
بالمحشر سعيد انه وهاني
شفيعي انته يبن سيد البريه

مصابي ما حصل مثله ولا جان
الصخر ميحمله لا انسٍ ولا جان
يليت الليل عقب حسين لا جان
ولا يطر الفجر واهلي رميه


اصوات الحرب قرعت طبلها
لأن عباس بالحـــــومة طبلها
بس هو نوصف سيفه طبلــها
يداوي الملتزم بفعـــــال امية
الشاعر احمد الكعبي



انجرح گلبي ابجرح ما بعد يبرة
وكسري يصعب اعله الناس يبره
ياعباس ترضه الشمر يبره
ظعنكم والحرم تطلع سبية
جابر الكاظمي



مصيــــبتكم يشبل الحسن ياليت
وعلى جدك خيول الگوم ياليت
ردتك حــــاضر بــــكربلا ياليت
وتــــنظر عــــمّتك بين آل اميه

على نهجك يبوية احنة وعينة
وحك الكطعو اجفوفة وعينة
لا اكدر اصل يمة وعينة
لان يم الشريعة اجيوش امية

يعباس استمع عتبي ولاماي
غريبة وزادت ابفگدك ولاماي
مهجنه من العطش تسعر ولاماي
يخمد لهب جمرتها السرية

الدهر شتت شملنه بالظعينه
دليلي سيوف اميه بالظعينه
يوسفه الشمر يحدي بالظعينه
وابو فاضل على الغبر رميه
جابر الكاظمي



همومي اهموم چنها جبال ورها
وخيمنه الشمر بالنيران ورها
اصد للعايله ابيا عين ورها
مذاعير ابهجير الغاضريه

عبّاس شمرة علي وحملاته لازمهه
والراية بيه تفتخر بيمينه لازمهه
يالتگصد لحضرته گضّاي لازمهه
ولو زعل راعي الوفه تجدح عيونه يمر "جمر"
بالنهروان العسل بالريج خلاه يمر
والزلم عالگنطرة منو گدر منهم يمر
منو يعبر الگنطرة وعباس لازمهه
للشاعر سعيد الصافي



حي مرضعك يا عباس حي در
ما مثلك لبوه الفحل حي در " أحيا دور "
لون ما ينطبر بالراس حيدر
راسك منهشم بالغاضريه
للشاعر جابر الكاظمي



بدموع العين حتى الراس...حنيت
ومثل حن الفصيل اعليك...حنيت
راسي والظهــــر مولاي...حنيت
واعزي فاطمه بهاي المسيه



اذكره من اشرب الصافي علي الزاد

وبچـيـت ودمع البعــيـني عـــلي زاد

بجهـــنـم وبألف لعـنه عــلى يـزيد

لأن حرموك من شربة امـّيـّه


على حبك تعــنــينه - وغرنه

ولصدور اليكرهونك - وغرنه

نحبك حب فلا مثله - وغرنه

ما عدهم شفيع ولاهويه

بــيـه نـتــولع وزايــد - ولعــنه
نمشي وابد ما نتعــب - ولعـنه
على الطاغي ألف لعنه - ولعنه
من الطـّف لآخر نفس بيه

أمامي وگاصدك زاير - وسلباك
وسيله ما إلي لغيرك - وسلباك
عجيبه تنذبح ضامي - وسلباك
ولاخلوا ستر لابن الزچيه

لبو اليمه رحت گاصد - وسيله
ودمع العــين أهـلنـّه - وسيله
عـد رب العرش هـــو - وسيله
ويخلـّص حاجتي ويعطف عليه

عباس الفضل كله وجوده
وحسين السبط علّة وجوده
سهم الصوب اعيونه وجوده
كسر ضلعين للزهره الزجيه

بجت زينب وحيل اصفكت...راحات
وعليه الدنيه دارت دور ...راحات
ايام الجانت وي احسين...راحات
ولفاهه الحزن كل صبح ومسيه

عباس البطل ماصار كفله "كفو له"
واخوه حسين بالعايلة كفله
لاچن عالنهر من طاح كف له
غاب الگمر بارض الغاضرية

بجت روح ال مصايبهة***وسالت
وطفح بركانها عيوني ***وسالت
لأن طفلة انشدت زينب***وسالت
تريد تشوف ابوها بهل مسية

ليالي افراگ أبو اليمه لوني
-- أون اعليك هاك اسمع لوني
-- گبل عمرك گظه عمري لوني
-- ولا راسك اشوفه ايمر عليه

يدهري افعالك ويانة.. وخيمات
وحركوا جم كلب عدنة.. وخيمات
أشلون الماي اشربنة... وخيمات
شربت الضيم بارض الغاضرية
الشاعر خالد الفراتي



منقول