هنا

[¥محبوب$القلوب¥]

بسم الله الرحمن الرحيم

ذلك و من يعظم شعائر الله فأنها من تقوى القلوب

صدق الله العلي العظيم

اليوم حبيت أجيبلكم قصيدة حسينيه رائعه للشاعر الاستاذ حيدر تركي الكربلائي

و هذه القصيدة عجبتني جداً و أرجوا أن تعجبكم أيضاً.....

يَعمه . أبونه حسين وينه
يَعمه . يجي لـو مايجـينه
شــو هلـيتي دمعه *** صوتچ ما نسمعه
يجي لو مايجينه
ـــــــــــــــــــــــــ ـــــــــــــــــــــــــ ـــــــــــــــــــــــــ ــــ
يعمه من رحلنه وصار مســـرانه ** نسألج عـــن ابونه ماهـــو ويــانه
مو گلتي يجي شو لـَسه مــا جانه ** اشلون اويه الغرب نرتحل خلانه
يعمه . مو احنه ابزغرنه
يعمه . نحتاجه ابــسفرنه
الدرب كله نتبعه *** صوتچ ما نسمعه
يجي لو مايجينه
ـــــــــــــــــــــــــ ـــــــــــــــــــــــــ ـــــــــــــــــــــــــ ــــ
عليچ الله يعـــمه اشبيــچ محـتاره ** دمعچ من نسـألچ ليــــش يتـجاره
نحس بگلوبنه شو وجــرت ناره ** ابونه حـسين ردنه نعرف اخباره
يعمه . نحتاج الحـنانه
يعمه . نفرح لو اجانه
هم بيه بعد رجعه *** صوتچ ما نسمعه
يجي لو مايجينه
ـــــــــــــــــــــــــ ـــــــــــــــــــــــــ ـــــــــــــــــــــــــ ــــ
لو مكروه مـــر وبالطفل صــــابه ** اول ما ينادي بابه يـــابابه
اشگد نادينه احنه وما اجه اجوابه ** اخبرينه اذا تـدرين بغيابه
يعمه . ينـــطرونه الحــــبايب
يعمه . ازغار اعله المصايب
بالله اشلون وضعه *** صوتچ ما نسمعه
يجي لو مايجينه
ـــــــــــــــــــــــــ ـــــــــــــــــــــــــ ـــــــــــــــــــــــــ ــــ
الطفل گلبه يعمه واشكبر صبره ** نشوفه انريد احنه لو فـقط نظره
اشتاقينه الحنانه والـــدفو صدره ** جرح بعُده اذا ضمنه اله يبـــره
يعمه . الحنان انحسه بينه
يعمه . اذا اقبـــــل علـينه
الحچي گلبچ يفجعه *** صوتچ ما نسمعه
يجي لو مايجينه
ـــــــــــــــــــــــــ ـــــــــــــــــــــــــ ـــــــــــــــــــــــــ ــــ
عندچ چـن كلام وماتگــوليـــنه ** يعمه حسين ابونه وينه خبرينه
يظل ابكربله لو يلتــحق بيـــنه ** تره زادت ابهجره كــل ما سينه
يعمه . خلي انروح عنده
يعمه . اويانه احنه نرده
منظرنه يفجعه *** صوتچ ما نسمعه
يجي لو مايجينه
ـــــــــــــــــــــــــ ـــــــــــــــــــــــــ ـــــــــــــــــــــــــ ــــ
يعمـــه حالتــچ يا زيــنب أذتــــنه ** نــشعر مايــرد مــن بعـُده والــدنه
اذا راح الابوي ياهو اليظل عدنه ** المدينة جدنه بالله منهو الي ايردنه
يعمه . مصيــــبتنه مصـيبه
يعمه . الابوي ياهو اليجيبه
افراگه ما نجرعه *** صوتچ ما نسمعه
يجي لو مايجينه
ـــــــــــــــــــــــــ ـــــــــــــــــــــــــ ـــــــــــــــــــــــــ ــــ

تمت بحمد الله عز وجل

[•·.·´¯`·.·•ڵۅڵۅ•·.·´¯`·.·•]

شكرًا ع المجهود

[ذات الرداء البنفسجي]

[¥محبوب$القلوب¥]

شكراً لكم أنرتوا الموضوع

[الملاذ الاخير]

عاشت أيدك ابو حسين

[¥محبوب$القلوب¥]

عفواً نورت أخي الفاضل أحمد
بارك الله بيك

[مَنْفَى]

سلام الله على ام الخدر زينب
اي صبر ذلك الذي تحويه روحها
تسلم الديات

[❥ اوليڤَيــــــا✿┊❥]

يعطيك العافية اخي ع هالسطور النورانية
جعلها الله في ميزان حسناتك ... ودي

[¥محبوب$القلوب¥]

سلام الله على ام الخدر زينب
اي صبر ذلك الذي تحويه روحها
تسلم الديات

شكراً لتعطيرك الموضوع بزيارتك المشرفه
لقد أنرتي الموضوع

[¥محبوب$القلوب¥]

يعطيك العافية اخي ع هالسطور النورانية
جعلها الله في ميزان حسناتك ... ودي

شكراً لك لتعطيركِ الموضوع
و شكراً لزيارتك الموضوع
فقد أنار الموضوع بوجودكِ
و شكراً ع التقييم