هنا

[ضياء الصافي]

اخوان عندي مشكلة وعادي ذكر اسمي الصريح كدامكم وصورتي امامكم اتشوفوها عادي مو مهم المهم هوه اتعرفون المشكله وشنو الحل شنسوي .... .؟
مشكلتي اني عندي 2 اخوة وامي وابوية ماتوا من زمان من جنه صغار اخوية الاول متراهمين اني وياه نلعب سوة ونضحك سوة بس اخوية الثاني هم يلعب ويانه بس من الصغر ما ارتاحلة راحت ايام اجت ايام اخوية الثاني كام يسوي مشاكل ابيناتنا وخلة اخوية الاول يكرهني ويضوج مني وصله حد انو اخوية الاول راد يقتلني ....لانه اني من الصغر انولدت يتيم حبيت اسأل عن اصل عائلتي واذا بالطامة الكبرى الي اكتشفتها ..انو اخوية الثاني الي سوة التفرقة بيني وبين اخوية الاول (مو اخونا) من امنا وابونا ولان احنه مكطوعين من شجره دخل علينا دخيل وربه ويانه واحنه مامنتبهين هوة الي سبب هذه التفرقة والكراهية بيناتنا وهو مو اخونا ...بعد ماعرفنا الحقيقة رجعت علاقتي باخوية الاولاني طبيعية مثل ماجانت
ملاحظة...امي اسمها:الغيرة والنخوة العراقية
ابوية اسمه:حب الوطن
انا اسمي :شيعي
اخوية الاول اسمه:سني
الاخ الثاني المزيف اسمه :اعداء العراق
تحياتي وياريت تاخذون عبره من هاي القصة والله ارواحنا ملت من الي دايصير بالعراق شوكت تنتبهون من المستفيد من الي يحصل ؟
شنو ذنب العراقيين
خل نتصافه فدوه اروحلكم ..

[عضوية57049]

ههههه اني دااقول شكد معقدة هااي القصة

المشكلة انه هذولي الإخوان كل واحد يعتقد نفسه هو الصح والثاني غلط ،، وابدا مو سهل يرجعون حبابين وية بعضهم ،، يعني منتهينن من هاي السالفة :'(

[الريم]

على عناد كل الحاقدين نبقى اخوة
تسلم ،، تقييمي ^_^

[~تناهيد~]

انشاء الله دوم متوحدين شكرااااااا اخي

[^_AHMED_^]

رائعٌ ما سطُرت يمينك

دمتَ بود اخي

[ضياء الصافي]

على عناد كل الحاقدين نبقى اخوة
تسلم ،، تقييمي ^_^

شكرا للتقيم ممنون

[قلب من ورق]

لالا ليش ميرجعون اصلن رجعو مشفتو داعش من دخل ع لانبار شلون كامت كربلاء ويه النازحين احسن شهاده هاي وسنه باتو بل حسينيات--واحنه كلنه اخوه وهذا مشكله نشالله راحت

[ضياء الصافي]

ههههه اني دااقول شكد معقدة هااي القصة

المشكلة انه هذولي الإخوان كل واحد يعتقد نفسه هو الصح والثاني غلط ،، وابدا مو سهل يرجعون حبابين وية بعضهم ،، يعني منتهينن من هاي السالفة :'(

ان شاء الله خير اختي شكراً لمروركم العطر

[ضياء الصافي]

لالا ليش ميرجعون اصلن رجعو مشفتو داعش من دخل ع لانبار شلون كامت كربلاء ويه النازحين احسن شهاده هاي وسنه باتو بل حسينيات--واحنه كلنه اخوه وهذا مشكله نشالله راحت

ان شاء الل للأحسن

[مشاعر بريئه]

عشت على هل ابداع
واخوه على عناد الكل كلنا اخوه وايد وحده
تقييم