ها نـسـيـتـي
ها نـسـيـتـي ~
ها نسيتي جنج بحب ثاني جذاب اكتفيتي هانسيتي
ها نسيتي نظرتج جن عين تايه بيه ابد ماركزيتي
ها نسيتي كبل كلتي الماي انته اوهسه بلماكو ارتويتي
ها نستي ورد حبنه اتفتح اوفراش اجيتي ها نسيتي
كبل عينج ليل تحظن بس تجيني
اتبيعج اعيونج مسافه اوتشتريني
هسه كل نظره جبل من تمشي تعثر
جن شمس خلص وكتهه اشما مشت كل خطوه تزغر
والعشك مثل العمر من يبطي يكبر
اوتوكف اعيون المحبه اشمايمر طاري الخيانه
ليش خليتي العشك يتغمس بطاري الخيانه
اوليش خليتي الكبر يتلثم اويسبك صبانه
اوليش ما صرتي الوفه بنسمة هوانه
ليش خليتيني اكتبنج اكتبنج فصل موسم جرح
ليش خليتي العشك ينشال راسه اعله الرمح
اوليش اوكولن حبي عنج وبقه اكولن حبي ليش
كبل كلتي انتي حياتي اشلون من دونك اعيش
وانه ادري الريه عدها اضيوف بس اهل الهوه ايدخلون بيها
هسه لا كلشي تغير دوله من دخان ضل تتمشه بيها
ياحسافه اوهيج تالي انبكنه من عين الشمس جثة ظلام
اوياحسافه اعله الجرالي الحلم مبيوع الجفن مابي منام
والسهر جناز رايح يدفن اعيون السوالف يم كمر جثة غرام
كمت انزف صفنه من تمثال عيني البيها جم عايش دفنته
اوكمت الملم ذكرياتي ابجف جفن ذبلان شلته
اشكد عبرت بصفنتج ديرة سوالف
اشكد حجت بسمج عشك هاي الشفايف
غيروج بنظره وحده وضحكه ما تملك برائه بسرعه كلش غيروج
اوهم نسوج ابمثل ماينسون خطوتهم وراهم هيج عل مامش نسوج
كبل تذكرينها اصوات البلابل عن حجينه تغرد اوتنزف محنه
دافيه اوحنيه بيها اسوالف اتليق بخجلنه
وكبل ضحكتنه احنه جانت بينه مرشوشه بسولف بيت اهلنه
الكلها متغمسه بصدك بيت الدلال
اونضحك اونمدح نفسنه انته وانتي ارويحنه ارويحت حلال
اوبلحلال اجم ضوه ادينته لعيونج كمر بنت الحلال
كبل من نحجي الفراش ايغيم اخياله علينه
لأن بستان الورد مشتول ياحبي بحجينه
وانتي من افصول حبي اجم ربيع امسامر اسوالف حويتي ها نسيتي
ها نسيتي جنج بحب ثاني جذاب اكتفيتي هانسيتي
رد مع اقتباس
المشاركة الأصلية كتبت بواسطة abas satar
