هنا

[البارق]

- 10 -


قصيدة للشاعر الكبير
كامل العامري


جاوبني تدري الوكت بوگاته غفلاوي
موش انت نبعة عشگ بالحسن متغاوي
ليش المعاتب كلف .. والشوگ سكتاوي
چا وين أودي الحچي واتعاتب ويامن


* * *

مرّن فخاتي الصبح نشدني وين اهواي
سمعنّي چلمة فرح وي مشيتك بهداي
ذبلان گلبي شكثر .. وانت العطش والماي
چا وين أودي الحچي واتعاتب ويامن


* * *

مامش بعد كل رجى .. والدنيا حزنانه
والهجر چودر غفل .. والروح عطشانه
رديت مامش وفه .. والشفه خجلانه
چا وين أودي الحچي واتعاتب ويامن

[البارق]

- 11 -


قصيدة للشاعر الرائع
عزيز السماوي


أموتن من يموت الشوكـَ
الكـَـلب طيره تفرفح فوكـَ
تظل روحي بحلم مخنوكـَ
واسمك والهوى العذري
يظل مجتوف
دمك بالعشكـَ مديوف
صِك العين بلجن طيف
يخطف خطفه الملهوف
اظل مجتوف
إو نظل إنطوف فوكـَ الغيم
إو بجفون الظلام إنجيم
جناز اليتامه يهيم
يمذبّل شتال الديم
عيب إنهيم عيب إنهيم
وأرد المكـَـبره دنياي
نطرب لو يون الناي
ندوّر من يبيع الداي
نشري الداي
نشري الداي

[البارق]

- 12 -


قصيدة للشاعر الرائع
ليث النعيمي



هيــــــــــــج جنك


كمره وشفاف النجوم .... يغازلنــــــــك


هيج جنــــــــك


مطره وعيون السنابل ... ينطرنك


شحجي عنك ....


سالفه ....؟


وكون السوالف يوسعنك ...


يا عطر ... شمه الورد وتناسه روحه ...


وراح ينشد يا ورورد الي ... حونـــــــــــك


وما حونك ...!!


شحجي عنك ...؟؟


وانته برحي ... واني حنظل ..


وانته جنه ... واني مشعــــــــــــل


واني شايب ... وانته بالعشرين ... سنــــــــك


غاد منــــــــــــــــك ...!


هيج كون الروح تسكن ... غاد منك


تغفه بحضان الكلام اليطره ... عنك


هيج ردت العين دلاعه اعله زيجك ...


ت**ر عيون الهوى .. الماعاف متنــــــــــــك ..


يا طفل ....


يشمرك كلبي ..!!


بنبضه وجفوف الكلب .. يتناوشنك ...


شحجي عنك ..؟


سالفه ..!!!


ريت السوالف .. يوصفنك

[البارق]

قصيدة للشاعر المبدع
ذياب كزار
(أبو سرحان)


أبنادم


أبهيده أعله بختك لا تعت بيها


يبنادم بهيده


روحي انحلت والشوگ ماذيها


يبنادم بهيده


ما چنها ذيچ الروح .. يبنادم


ولا چنها كلها جروح .. يبنادم


والشوگ ماذيها .. شمالك تعت بيها ؟


*****

تسيوره عمري وياك


يبنادم ..


غفله واخذني الطيف


لنهه بحلاة النوم .. يبنادم


روحي عله روحك ضيف


واغفه بهواك سنين .. يبنادم


كييف تراني بكيف


وراكد بروحي الماي .. يبنادم


ثاريها غيمة صيف


ثاريها غيمة صيف


******

بچي الشموع الروح .. يبنادم


بس دمع ما مش صوت


ورفة جنح مكـسور .. يبنادم


گلبي يرف بسكوت


لا هي سنة وسنتين


يبنادم


لا هيه صحوة موت


حسبة عمر عطشان


يبنادم


والماي حدره يفوت


والماي حدره يفوت

[البارق]

- 14 -


قصيدة للشاعر المبدع
عمار الوائلي


محتاجك ..
حلم مرسوم ع لنجمات وخيوطه بذهب علكمر مكتوبه
محتاجك ..
خلك وسع الارض يفلان واشرحله الخواطر ليش متعوبه
محتاجك ..
جرح يتوسط الدلال ويحني بنزيفه اطراف محبوبه
محتاجك ..
فرح بكلوب الحديثات لو كعدن سوه بنيشان مخطوبه
ومحتاجك ..
جدم ماتوجعه الصدمات ومن تثكل بلوته يعاند دروبه
ومحتاجك ..
عمر ما يمر بيه الموت مو عمري الكضه وايام محسوبه
ومحتاجك ..
دمع يبجي على حالي من يصفن دليلي ويذكر ذنوبه
ومحتاجك ..
صبر بس موصبر ايوب لان كبلك لبسته وماستر ثوبه
محتاجك..
حضن روحي تلفلف بيك .. لو فزت غفل بالليل مرعوبه
مهدول الجتف وجدامي مشلولات .. والغيره انتهت والناس مجلوبه
وانا بوسط سحرك جتفاني الضيم .. وسنيني لعذابك دوم مطلوبه
ياهو اليفك حزني وانابلياك .. دنيا من القهر وبيوت مكلوبه
يا اول جرح محتار ضني وياك .. وايدي شماتغلبك ترد مغلوبه
علمني الهجر بلكت اصد وانساك .. وابعد مااجيك ومنك التوبه
لميت البخت من ردت اشور بيك .. شوردت عليه الشاره والحوبه
سودني العشك من ردت اكلك روح .. شور بالدليل ولعب بيه طوبه

[البارق]

- 15 -


قصيدة .. بقلم شاعر صديق
أوصاني بعدم ذكر أسمه


أشيعجبك أسولف .. لو نظل سكته
مخنوگ الحچي .. وبس أنتَ سالفته


خايف أشتكيلك .. تزعل وتغتاض
ومن تزعل .. أخاف تصير مو إنتَ


معذوراليحب لمن .. يفزع الآه
يحشّم بالدموع .. وحرگة كاتلته


معذور النِفَس لمن يگطعه الشوگ
واللهفه .. لعيونك حيل خانگتة


عطشان وأجيت وبيدك أنتَ الماي
معقوله سراب بأيدك الشفته ؟


أدوّر عالفرح .. محتار صار سنين
ويمك من لگيته .. أتگلي ضيعته


اليشوف العجب ما يتعجب من النار
من أقرب الناس النار لو جتّه


مو زاد وملح .. مر بينا يأبن الناس
لو أدري .. وعيونك .. جان مصّخته


أزرع .. طيب .. عمري وأحصد اللوعات
ياهو الگال أزرع تحصد .. أبختة


ما ضاع الوفة .. چنت آني أگل للناس
لا .. مات الوفة وهس توني شيّعته

[البارق]

قصيدة للشاعر الرائع
كريم السراي


خلني اهناك
وارجع للمعاتب ذاك


ياجسر العبر بالروح
تعبت ردهه
خل تنساك


ما حطت رجله
اوبدت بالخطوات
إلا اوضاعت ابممشاك


رد بيه على حد الشوك
بح صوت العتب وياك


من عبرت خذاهه الضيم
والتمت عليه اسنين
وكحه اوحاوطته اشراك


محلت يبساهه الخوف
وترادفن كوم اهموم
مره اسمعه من تنخاك


رد بيه
ولو بالطيف ولو مره ابحلم ترجاك


يا جسر العبر
ما هونت بالروح
هونك مسرع اشوازاك


ما شبعت خذتهم منه
حفنة ضيم
اوعاشت كل عطشه أوياك


رد بيه يجسر
الماسمع فد يوم
عمر الهدهه بيك اشلون
ما هداك