أبوذيات عراقية , أحدث الأبوذيات , شعر شعبي عراقي 2014 , أبوذيات عن الحب
أبوذيات عراقية , أحدث الأبوذيات , شعر شعبي عراقي 2014 , أبوذيات عن الحب
ونيني صدع كل معول وكل مر
وعيني مو لكل مجبل وكل مر
يكولون اجرع الحنضل وكل مر
ولتعاشــــر نذل ذاتـــه رديـــه
كون الناس كلهه وكون كوني
ووصي الروح بالعز دوم كوني
حجيي مو رغب للغير كوني
النهج نهجي وجلمتي ذيج هيه
أبتوالي،، العمر وكتي وياي جن گال
تعب مني وسمعة ابصوت جن گال
شصي أبنص لهاتة اسنين جن كال
ونفذ صبري وهو يضحك علية
هفه يوتار ماغيري..... لـــــــــهمجان
وغذاجن من لحم ظهري ....لهمجان
السهام المالكت بيه .... لــــــهمجان
انبتت فوك السهام الاوليــــــــــــه
بطيت أعلية يم غيم كما اسماي
ودگلي أشخوشنك ونتة كما اسماي
امنصيح اسمك يرد صوتي كما اسماي
دلحك عاد امش جناز بية
سمعت اباه جرحك ماشي جيتك.
وخط احروف حزني ماشجيتك..
ندهني الما شجيته ماشجيتك.
شفت حزنه بحر والقطره بيه
ماهمني الوكت بالظهر ,,,من دج
ولا سلني النزل عالسطح,,,من دج
بس غثني اللحيمي البيه ,,,من دج
ريشه ونفش ريشاته عليه
شما اذكر صـــــبه عمري ويهلاي
اون و تكدر و يـــــــــسود ويهلاي
جنت شبه الـملك عايش ويهلاي
بجفاهم ها ولك صاحوا عليه
بدم ادموع جفن العين يرماي
الولفي وكلبي بالوصﻻن يرماي
علمته الرمايه وصار يرماي
رماني وطحت وانشبني المنيه
ياهو،،، البللك ياجفن ونداك
وصفو ما يسمعون أبجاك ونداك
لون وني يطيح أبجبل ونداك
تفس كل شضة صار نوية
عجب شخصك عليه سنين ماطل
وگصر عمري بغيابك حيل ماطل
زماني وي الفرح بجفاك ماطل
وخذ كل ذرة فرح مزروعه بيه
انه الماهدت ساعه ---- ولا جن
وانياب العده كرظني --- ولا جن
كلما اعزم بهجرانه ---- ولا جن
يردني الوفه وايامه ---- الهنيه
خمـر ينضـح مزيج آبشهد لمّاج
لـذيـذه وكَلـبي بـاقــة ورد لمّاج
ألــف رحمـــه لبوج وألــف لمّاج
لأن مــن عـرّســوا جـابـوج آليه
يروحي الوكت مو بيدچ نكت بيچ
ويشيلچ فوگ ويطبچ نكت بيچ
سنونچ چانت مبينه نكت بيچ
مدلغمه شبيچ هلمده عليه
ارشا بالدمع مافاد,,,بالرش
همت بالبر ولكن عود,,, بالرش
كسر جنحي ونشدني وكلت,,,بالريش
عن لا تشمت الشمات بيه
أبوذيات عراقية , أحدث الأبوذيات , شعر شعبي عراقي 2014 , أبوذيات عن الحب
رد مع اقتباس
