شنو خلصان الورق مكتوب مادزيت
بس انة الي اعرفة تعرف عنواني
اكيد ماعندك قلم او تكتب المكتوب
بس احسب حساب ضاع خلاني
وانة الي اعرفك او تعرفني زين
ما انسة الكلام الهيج احزاني
او خلة سواد ابكلبي من اتاذيت
او زادت همومي او كثرت اشجاني
بس هم اكول الي رب انخاه
او ياخذ حيف الكلب الهيج اذاني
تذكر ايام انكضت كلفات
ابجرة قلم وابسرعة تنساني
لو عندك ضمير بيه احساس
وابوجهي الابيض جان تقراني
انة الي اضويت الك ايام
او ابليالي السودة تنخاني
هم قصرت وياك فد يوم
ذكرني ابخطأ وياك شيطاني
تذكر من جنت تنخاني بالشدات
بس تغمض عيونك جدامك تلكاني
انتة اطلعت ثعبان وابراسين
تلدغ صديق اواتحن للعاداني
لكن الوفة طلع مو للانسان
حتة الوحوش بالغابة توفاني
لكن اضل اني ابو الكلفات
لان روحي خلقهة الله رحماني
#للشاعر-علي-الكظماوي
رد مع اقتباس
