هنا

[خلك شاعر]

هذا ياسيف اليطكني ابهامتي
واني شايل دنية فوك اعمامتي

هاي يا سبعين يا رماية
اني اجيت وياهو عندة احجاية
مالك الطف اني هوة وماية
وعاشك الطف والشريعة امرايتي
اي كمر معروف وتعرفوني
والنجوم اتصير جوة اعيوني
الشمس والغيم جوة امتوني
السمة اويلكاع كلهة اولايتي
هذا ياسيف اليطكني ابهامتي

ذيج زينب فنكم اتحاجوهة
راس ادك ابراس لو تدنوهة
كاع اللة اتظيع ماتلكوهة
وتوكع الدنية امنحرك صايتي
هذا ياسيف اليطكني ابهامتي

هوة ياهو اليكدرايحاجيني
زلمة رايد منكم ايلاكيني
واللة لو يطيني رخصة احسيني
يمي عزرايين عد احجايتي
هذا ياسيف اليطكني ابهامتي

اني اجيت اواكف اعلة حدودي
ياهو راد اجفوفي من ازنودي
لا وحك احسين وي معبودي
الة الف الدنية كلهة ابرايتي
هذا ياسيف اليطكني ابهامتي

هذا ياهو الكال ماطب ليهة
واني سبع الكنطرة وراعيهة
اني صار اسنين عايش بيهة
وحتة ماي البيهة يعرف غايتي

اني ماخذ علشريعة ابسيفي
هو حتة الماي يمشي ابكيفي
ابلاية جربة ايروح هوه ابعازتي
هذا ياسيف اليطكني ابهامتي
واني شايل دنية فوك اعمامتي

[قلب من ورق]

رررروعه عاشت ايدك كلام جميل ابداع متجدد نشالله ننتظر المزيد

[خلك شاعر]

انشاء الله