ليك منى حر الشوق
ليك منى ألف سلام
ليك منى كل تحية
ى الفى الفؤاد محروسة
ليك منى حر الشوق
ي الفى القلب مدسوسة
ليك منى حر الشوق ...لعيونك الحلوات
ال من أجمل حور شاربات
ليك منى حر الشوق لى رقتك
وخفة ظلك الشربات
ليك منى حر الشوق للخدود الديمة
بيها الورود نايرات
لى بسمة ضواية بيها النجوم ساطعات
ليك منى حر الشوق
ليك منى السلام
يامهيرة الحشى ال بى ريده قلبى بسوسهه
يا أجمل مودة فى اعماقى كامن ساسه
ليك منى مرسال شوق
يالليكى ديمه أتوق
يا دعاشة الخريف الليها قلبى عشوق
ليك منى حر الشوق
ليك منى ألف سلام
ي الفى حشاى مغروسة
ليك منى حر الشوق
لى ضحكة زى معزوفه
بين الحان كمان
طالعه من ينبوع حنان
تسرى وتهدى البال
ليك منى حر الشوق
ليك منى الف سلام
يانسمة عبير
بيها الربيع يختال
فى كل طرب بين
الزهور نشوان
يا روض العواطف
الكامنه فى الانسان
يا أنبل مشاعر
بيها العشق يزدان
ليك منى حر الشوق
ليك منى كل تحية
ليك منى ألف سلام
يا شجرة حنان
رويانة من صافى الغمام
مشتوله من يوم الفطام
مفطومه بى خا لص وئام
من أصفى واحات السلام
فيك كل غصن
شايله الحمام
بجناح يحلق فى الفضاء
يبعث سلام بين الانام
يا رقة ما عرفت خصام
يا اسمى ايات المودة
ليك مليون تحيه وليك مليون سلام
بقلمى/ ود جبريل
رد مع اقتباس
المشاركة الأصلية كتبت بواسطة abas satar
