حسبو حسابكم راح اوصل الموصل
حسبو حسابكم راح اوصل الموصل ** وخلي كل دقيقه ابطبتي تتأرخ
أخلي الماله بيها اله بيها يصير***ورمح نصري بصدر كل الطغاة أشجخ
وزلزلها منكظها ومن أهزها تمور**ومطرها غضب والمطــــــــر ينزل زخ
وأعاين عالسعوديه بشقاوة ماو **وأخزرها الى أن تنحني وترضـــــــخ
انه ابن الما معلم على هدوة ليل**انه طلابتي طلابه وشاهدي أمفشخ
انه أمسطر المعارك وحده فوك الآخ **وعازلهن عزول الأخت عـــن الأخ
منحط راسي بجبل حمرين راسه يلين*عنيد وراسي يابس بالعرك ما طخ
اغربل ربعي باجر موش حجي السان*انه فعل وفعل مو بالحجي اتفخفخ
أنه اسواياتي كلهن ما مسوّايات *أنه ابليس اللعيــن املاعبه امصـلّـخ
انه مستو الحجي قبل اكتشاف النار*انه مو مثل ذاك الما عرف يـطبـــخ
منّ أزمخ ابوجه الكون أصفنه اسبوع**شحال بوجه لرهابيه اذا أصـرخ؟؟
أوهكهم سطر وجفوفي مفتــــولات **رغم اجفوف اديه راح تتوســـخ
سود علامهم وفعالهم هم سود** ولون اكلوبهم من السواد اطـــــوّخ
ياهو اليوكف اكبالي ودخل انشوف**معالم وجهه تخرب والله بس ازمخ
منهو الكالك موش انه أسرافيل **منهو الكالك بالصور ما أنفــــــــــخ؟؟
انه اليخطر ابالك من يصير الخوف**وين تروح ؟ انه عله المنايه اشبخ
أنه ابن العراق الراق بعد العين**انا الباجرفقط لبدمك اتملطـــــــــــخ
رد مع اقتباس
