ومضة وبيت , أشعار قصيره روعه , شعر شعبي عراقي قصير 2014 ,
ومضة وبيت , أشعار قصيره روعه , شعر شعبي عراقي قصير 2014 ,
شتضن بية انه اعووفك واعلن واداع
هم سامع جرح ينسة اليداويه
ترة انته النسيت احبابك بساع
ترة انه وحياتك ماني ناسيه
ترة الحب شي صعب ما ضمته الكاع
بس شك بشر كدرت تخفيٌه
جذب كله جذب بس ذاك من ذاك
اليحب واضح وبين من تلاكيه
اذا عندك بضاعه ونامت عليك
بالحب والجذب تكدر تمشيه
الي صاحب گبل سنتين من مات
ظل عايش وياي بطيبته وبصدقه
اذكر من خطب رحت آنـه اهنيه
اشگد فرحان شفته وقانع برزقه
بس ابحنته مو اهلـه حنوه
سبگتهم عليه وحنته الطلقه
امه تسودنت بالشارع تدور بلا شعور
وعلى ياهو التشوفه اتگدر الحلقه
مااعوفك ابدماخذعهدوياك
وقابل لو حطب للنار ترميني
اتنفس هواك بزحمة الدخان
وكولن هم يحن كلبة ويطفيني
موثوب وينزعك جلدي حتى انساك
ولاكل يوم طبعي بثوب تلكيني
مادور كمت عزة نفس وياك
بس ينجاب طاري اسمك يبجيني
محتاجك يغالي بكثر ما محتاج
واحديفهم حجيي ويحاجيني
أريد أبجي واسمعك صوت الدموع ..
وخل يحجي الدمع ويسولف أشماله ..
تدري شكد معاني تشيل العيون ؟؟
بس يوكع دمع تتوضح الحاله !!
وأضن صوت الدمع بي وحده من أثنين ..
... ... لو فاكد عزيز ويذكر أطلاله ..
ولو مزنت فرح وتخيل أنت الصار ؟؟
يعني أثنين هنه العين هماله !!
تيهت بمحبتك وانا اعمى العين
بس كلبي على بابك زحف وداني
دلاني وأجيتك وأن كلي جروح
ومن كتلك تعال تكلي مو أني
بس كلبي عنـــــــــــــده عيون
مو أني الاجيتك هو وداني
كلشي توقعت وبالي ألف حساب
بس ماحسبت تلبسلي وجه ثاني
ﺍﺳﻮﻟﻒ ﻋﻦ ﺟﻤﺎﻟﻚ ﻭﺣﭽﻲ ﻟﻠﻨﺎﺱ
ﻳﻜَﻠﻮﻟﻲ ﭼـــﺬﺏ ﺣـﭽﻴﻚ ﺧــــﺮﺍﻓﻪ
ﺍﻛﻮﻟﻠﻬﻢ ﺷﻨﻮ ﻣـﺎﻋﺪﻛﻢ ﻋـــــــﻴﻮﻥ
ﺗﻌﺎﻳﻦ ﺑﻴﻚ ﺭﻗﺘﻚ ﻭﺍﻟﺘــــــــــــﺮﺍﻓﻪ
ﺣﻘﻴﻘﻪ ﺍﻟﻨـﺎﺱ ﺷﺎﻓﺘﻚ ﺑﻠــــﻌﻴﻮﻥ
ﻭﺟـﻮﺩﻙ ﺳﻮﻩ ﺑﻠـــــﻜﻮﻥ ﺍﻧﻌﻄﺎﻓﻪ
ﻭﺍﺫﺍ ﺍﺳﻤﻚ ﻟﻤﺢ ﻋﺎﻟﻔﻴﺲ ﻓﺪ ﻳﻮﻡ
ﻧﺴﻮﻳﻠﻚ ﺷﻠﻊ ﻛﻠﻨﻪ ﺍﺿـــــــــﺎﻓﻪ
كتبتونـــــــه ومسحتـــــــوا حروفـــكم ليــش؟
معقولــــــــه بعشــــــگ ثانـــــي التهيتـــــوا!؟
يبسنـــه وهلهلــــت باغصــــانّــــا الريــــــــح
كلتنـــــــه النــــــار وأنتــــــــم خضّــــريتـــوا
بعـــد شيجيبــــكم ؟مـــن تســــكـــت النــــار؟!
لـــوتـــــردُون چــــــا بالطيـــــــف اجيتــــــــوا
أنه بيه حزن يترس فطور الكاع
ونواعير العيون تصير من تدمع
وبيه بالكلب شوف شكثر ونات
يذوب الصخر كونه بونتي يسمع
وانه الفوك المتون محمل هموم
الجبل لو شالها من الكاع اظن يقلع
لاتغرك ضحكتي من اضحك وياك
الجمر محروك وكبالك يظل يلمع
خلص عمري بغرب يم اليكرهون
ومااظن العمر لو راح هم يرجع
مثل طيره اصبحت وجناحي مكسور
والثعبان يمي وبالجرح يلسع
تعال الحك عليه وشيل الهموم
النفس باقي اعله شعره وخاف لايكطع
من تغيب الشمس تقهرني احسهه اهواي
يضل بالي اعله ضلي وخاف لا اخسره
استفز جروحي واضحك من علي يلفون
بملكه الريح تطلع نار بالجمره
شكد ردت السواتر بالظهر تنعاف
ولهذا السبب حسيتهه مقصره
رمشت عينهم حسبوهه اليه احساب
وانه يمهم حسب اهل الكهف فتره
فوك ذاكـــــرتي عشــك بايت لكيت
بية مــلامح فركة ودمــوع او ســواد
اخذ مني سنين من عمري القديم
او لافتات مــعلك او لابــــس حــداد
هاك اخذني او دور بملحي الحنين
بصوتة يهمس واكـــف اباب الضياع
ندى الماضي الجابني لفجرك ذليل
وخضر بروحي صبح لابس قناع
انته كل عمرك ربيع وبيه ورود
وانه خلصت العمر صيف وخريف
وانته صح تملك جمال وراقي حيل
وانه اسمر واعظم املاكي الرصيف
وانته كلها تريدك وتركض وراك
لان يردون بوكتنه المو شريف ........
ومضة وبيت , أشعار قصيره روعه , شعر شعبي عراقي قصير 2014 ,
رد مع اقتباس
