هنا

[fairy touch]

كنت في الاعدادية وقت هذي الحادثة ....
انا و اختي الصغرى نرتاد المدرسة نفسها ..كنا طالبتين متفوقتين جدا ...و اني شخصيا كنت اشهر من نار على علم بمدرستي و محبوبة مدرساتي ..
في يوم من ايام امتحانات نصف السنة ..اختي وعدت وحدة من صديقاتها انه تشرح لها بعض المسائل الصعبة قبل الامتحان . و اتفقوا ان يتلاقون بالمدرسة الصبح من وقت ..و لهذا اختي بيومها اجتي علية كعدتني من النوم و كالت لي :اني رح اطلع هسة للمدرسة ..انت بدلي براحتج و تعالي وراية ...طبعا امتحانات و اني من طبعي ادرس بالليل ..و ما شبعانة نوم ..هي طلعت منا ..اني غفيت مرة ثانية منا.
دك جرس الثمانية الصبح بالمدرسة ..و البنات اصطفاف ..و حسب الاصول ...مدرّسة الجغرافية انتبهت انه اني مو موجودة بالاصطفاف ..دورت علية ..ماكو ...راحت بسرعة على اختي ..و سألتها : اختج ليش مو بالاصطفاف ؟
اختي سمعت هيج ...رادت تخرب ..رأسا خمنت السبب..و حجت للمدرّسة الموضوع ...
المدرّسة اخذتها لغرفة الادارة ركض و كالتلها اتصلي بالتليفون ع البيت ...(طبعا قبل ماكو موبايلات ..كلها خطوط ارضية )...المهم ..التليفون ابيتنا بعيد كلش عن غرفتنا ...فما احد سمعه ...هاي المسكينة رادت تموت لأن اللي ميحضر امتحان نص السنة يرسب ..و احنا اوائل وشطار ...مدرّسة الجغرافية كَالتلها هسة تروحين للبيت اتجيبيها و تجين ...كالتلها ست زين و امتحاني ..مو دك الجرس و بين مااروح و نرجع الامتحان بادي ..كالتلها انت معليج ...بس روحي ...
المسكينة اخذتها شبه ركضة بعشر دقايق هي يمي ...طبعا كنت لسة نايمة و ما ادري شكو بالدنيا ...ومن كَعدتني راد يصير بية جلطة ..
و بثلث ساعة احنا اباب المدرسة ..و لكَينا الست واكفة دتنتظرنا يم الحرس (لأن بوقتها كان بس يدك الجرس الحرس يغلقون البوابة )...و اخذتنا ودتنا لقاعاتنا ...و امتحنا ...و كان يوما عصيبا . ما انساه ابد ..وﻻ انسى مدرّسة الجغرافية الرائعة .

[ام فاطمه]

صدوك موقف صعب والله يساعد اختج شصار بيهه
موقف جميل من المدرسه الي انتظرتكم

شكرا لك

[محبوبة♥العرب]

ياريت كل المدرسات مثلهاا شكرراا

[هيثم البغدادي]

شعور صعب بالاحساس بضياع جهد
شكراا لكِ

[ٱجَمل ٱنٌسًٱنٌة]

صار بيه هذا الموقف ههههههههههههه اله شوية يصير بيه جلطة المهم عدى اليوم عليج بسلام

[Lolly]

صدك يوم عصيب

والحمد لله لان موجوده مثل هيج مدرسه

شكرا جزيلا

[الايهم]

صحيح موقف صعب لكن حاليا ذكرى جميله اكيد .....حلوووو

[fairy touch]

منورين الكل ...اجاني سؤال كال الاهل وين و الوالدة ؟
احنا اصلا كنا اسرة صغيرة ..انا و اختي و والدتي ....والدي متوفي قبل هالحادثة ..اما والدتي فهي معتمدة علينا و على النظام اللي ماشين بيه انا و اختي الصبح و ما فد يوم صار بيه خلل..و ما كان عندها تصور ممكن يصير هيج شي .
منورين مرة ثانية .

[ايوته الشامي]

ههه حلو طيوبه المدرسه

[امير العتم والظلام]

كانت فلتت زمانها هذا المدرسة ( مدرسة الجغرافية ) :P

سلمتِ اختي


____
امير العتم