اش خباركم ا لبنات و كيف دوزتو عيدكم نتمنى تكونو كلكم على خير
هاد الطورطة جربتها من مدونة واحد الصديقة الله يجازيها بالخير و عجباتني بزاف و قلت نشاركها معاكم
كتجي فنة و لديدة و معلكة و متشبعوش منها
اوا قولولي باراكا من الشكير و دخلي فالمعقول ههههه
نبداو على بركة الله
كنحتاجو ل . 4بيضات . ك ع حليب . ك ع معمرش زيت . ك ع معامرش سنيدة . 2 خمارات د 7غ . فاني . 2 م ك كاكاو . 2 بكيات ديال بسكوي هنريس كل وحدة كتوزن 85غ
و لبحالي متغربة و مجابتش معاها هنريس تقدر تعوضو باي بسكوي متوفر عندها
بحال هادا كيجي مزيان بالنسبة لبنات لكيعيشو فايطاليا
نخليكم مع الصور توضح ليكم الطريقة
كنعملو البيض و السكرو الزيت و الحليب و الفاني و نطحنو مزيان حتي يتخلطو
من بعد نضيف الكاكاو و البسكوي و الخميرة و نخلط كلشي
نصبو الخليط فمول مدهون بالزبدة و مرشوش بالدقيق و ندخلو الكيك ديالنا للفرن حتى يطيب
ها هو مني طاب دموليتو و كل وحدة تعمرو باش بغات انا درت كريم باتسيير و خلطت معاها واحد دانيت بنكهة الكراميل و عمرت بيه ديك الحفيرة
و زوقت بخطوط من الشكولا و دخلت الطارط للثلاجة حتى بردات
رد مع اقتباس
