اني وهابي بحب علي
واني درويش بمحبة فاطمة
يعني اذبح عالولاية
وطاري الزهراء راواني السمة
ماعرف البس طويل
عندي دشداشة بزحف لحسين كل اطرافهة متخذمة
وعندي سبحة
بسبب تسبيح البتول الطاهرة
خرزاتهة متهشمة
اني وهابي وما اصلي علة الرسول
الة كون بآل بيته متممة
وما احب قبورهم ترفع بناء
كون مرفوعة بضلوعي
ومن جفوني قبابهة مترممة
وكون من حسين ما احب الضريح
كون احب نحره التنز منه الدمة
وما اريد الناس بالحضرة تطوف
ذاك بيت الله اليريد يروح ليه يطوفه
كون من نوصل حسين نصير فوج
ونوكف وية صفوفه
ويصيح ( ثابت ) بينه حماي الحمة
وكون ما نقرة الزيارة اببابه , ليش ..؟؟؟
لأن بيهة حروف كلش مؤلمة
وكون منزور الكفيل ونعتنيه
الا نصعد علة التل نصيح
( يا عباس , عكبك بعد ما ظل زلمة )
وكون ما نمشيله بين الحرمين
كون من صوب العقيلة
بعثرة نمشي نحشمه
وما نشيل جفو/فنه يمه بدعاء
فشلة من جفة العلة الماي ارتمة
ولو كصدنه المشرعة يم المقام
ننده المهدي بخصور محزمة
وما نكول الفرج وينه
نكول هذا الفرج يم جده احتمه
وما نودع كربلة ووادي الطفوف
الا صوب الغري نشد الاحزمة
وننخة حيدر يحفظ بلاد العراق
وينصر الشيعة وعدوهة يحطمه
وينصر الشيعة وعدوهة يحطمه
بقلمي
5/9/2014
عيد ميلادي !!
رد مع اقتباس
المشاركة الأصلية كتبت بواسطة ملاك الاحساس
