هذا المكان مو مقهى ؟ يعني يكدر الواحد يفرغ اللي بداخلة ...
اني اللي ضوجني اليوم عدة اشياء ...الشئ الأول ... اليوم اشتريت ركَية خليتهة اتعشى بيهة ..لكَيتهة فطيرة وطعمهة يلعب النفس ...
الشئ الثاني ..ضايج لأن اكو من يحاول ان يحصر تقديره ومكانتة ضمن صفحة انترنت ...وللأسف النت يوم موجود ويوم مموجود يعني مكانتة وتقديره وية توفر النت ...
الشئ الثالث ...اكو ( شيلمانة) مال كهرباء مايلة ع الشارع وتريد توكع صار اربع ايام كلما ادخل المنطقة تصير كدام عيني ...وكفتهة مو مريحة ابد ...الله يساعدهة ..
ضايج لأن ابن صديقي اليوم راح لحديقة الحيوانات وشاف قرد بدة يصيح أسد اسد ...اني ممقهور على الاطفال العراقيين محرومين من كلشي ...بس ضايج من هالغبي اللي داخل مدرسة اهلية وبصف ثاني وميميز بين الاسد والقرد ....ماريد اتخيل اذا شاف مطي بالشارع شراح يكول ...
المهم ...انتوا شببيكم ؟؟ شنو اللي مضوجكم ...
المشاركة الأصلية كتبت بواسطة زمرد الشمري
