هنا

[¥محبوب$القلوب¥]

امـن الحومه تدخـل ليهه ** افنـون الحسـن راويـهه
عوف يايمه العرس
وروح لـَقنهم درس
---------------------
الجـمع ياجـسام يـمــه رفـرفــت رايــاته
وعـمـك ابـلايه محـامي وسـتمـع صـيحاته
هـذا سيف الحسن يبنـي وگوم شن حملاته
وخـلـي عـسكرهم يطـهطه يمـك ابـهاماته
لمن تطب واديهم ** ذكـرهم ابماضيهم
عيد تاريخ الأمس
وروح لقنهم درس
---------------------
يبني عرسك صار واجب انته هسه اتعوفه
الجمع من خـيمة الحره دنــه گوم وشوفه
كـون لاينمـس خـدرها البخـدر مـعـروفه
خـلي صـولاتــك يـيمـه للجـمـع سـالوفه للحسن لو ناسينه ** ذكرهم ابصـفينه
المن جثثهم منترس
وروح لـقنهـم درس
---------------------
اعليك واجب يبني اصبح كون تفدي الدينك
هـذا سيفـك گوم يبنـي الله وحـده ايعينك
ترضه بالميدان يبـقه ابــلا معين احـسينك
خــل يـزفك للـشهاده الحــنه دم چـفينك خل فاطمه اتحنيها ** اچفوفك وتنظر ليها
يالفديت انته النفس
وروح لـقنهـم درس
---------------------
يبـني ثـارك لاتعـوفه گـوم وطـلب ثــارك
امـن النحور السيف روي بلكـي تبرد نارك
اشــتاگ بتارك الچـفك گـوم ســل بــتارك
الجـيش متـحير يجاسـم مـن سمـع بـخبارك ابوسط العساكر نادي ** جعفر وحمزه اجدادي
ومن غدرهم احترس
وروح لقــنهم درس
---------------------
يبني هذا الحسن درعه وهاك اخذ صمصامه
النـهــروان اتعـيد ردتـك والجمــل وايــامه
سيف ابوك العيد اجاه وخـَلص امــن اصيامه
تحــته هـامــات الـبواسل بالحــرب تتـرامه سجيل يمطر سيفك ** وانته يحيد ابكيفك
بالمناحر مـنغرس
وروح لقنهم درس
---------------------
راح تمشـي للمعـاره وراح ارفــع راسي
لچـن يـاجـسام اشـعر بـيك افـگد نـاسي
من تروح اتروح روحي يلي هجرك قاسي
تـدري يايـمه ابـدليـلي وتعـلم بأحـساسي ام الـولد تدريهـا ** موت الولد ياذيها
ولو بالفرگه احس
وروح لقـنهم درس
---------------------
تمت والحمد لله في ٢٤ / ٨ / ٢٠١٣
خادم الحسين حيدر تركي الكربلائي

[المحاميه شهد المعموري]

احسنت

[¥محبوب$القلوب¥]

شكراً لك على المرور الجميل