الى عشاق الغزل والشاعر الجميل نائل المضفر
يسباح الشواطي أشبدلك شوك
ليش اتغيرت مو چنت وردة
وأشوف الناس گالت هذا يهواك
وعليك ايدور وجهة اشما تعدة
وجناتك شمس تحرگ بالگلوب
والما يحترگ يحترگ جدة
شتگل للناس ما يعرفني چذاب
ولا شعري لعب جولة على زندة!!!
وانة الچافي العمر من فتحة الزيج
والليمون فوگ اچفوفي ندة
اعددلك شكو بجسمك مسامات
وأسميهن بسمهن وحدة وحدة
مو آنة الخلقتك ونفخت بيك
بس الخالقك ظليت اعبدة
تذكر من چنت تتشابگ وياي
شعرك روج احسه وچتفي سدة
يشدني وأرد أشدة وما أشد شي
لأن خيط الشمس محد يشدة…
رد مع اقتباس
