درر العراق

فقار الكرخي · 4/September/2014

آه يا درب الشهاده شگد طويل
وجيل تتوارث دموعه بعدَ جيل
من بده الأسلام واشرق نوره
غير هذا النهج ما يوجد بديل
درب ذات الشوكة عنوان الخلود
وناخذ امن حسين واصحابه الدليل
الماي يروي الزرع ويبارك ثمر
والحاصل المرغوب من منبع أصيل
لكن الما يرتوي وعوده يشب
بالحصاد يكون أنتاجه قليل
هذا وضع الدين وسط اهل الضلال
بتضحيات اهله أبد لا ما يميل
صار دم حسين سوره والأمان
ودمنه لاجل الدين ما نبخل يسيل
وهاذي أوصاف العشگ خط الأله
واعرفه للجنه عنوان وسبيل
وعرف هاي الدنيه أبداً ما تدوم
مثل في الشجره عالشجره نزيل
وما يساوم حتى يتگطع وذر
ويصبر وما ينثني الصبر الجميل
عبره ناخذ من علي وبنت الرسول
ومن حسن وحسين احباء الجليل
ومن ضحايا الطف نستلهم عبر
والسبايا وزينب اوياهه العليل
الباقر وصادق مدارس للجهاد
وموسى ابن جعفر بزنزانة نحيل
والرضا والتقي جادوا بالنفوس
ودورهم بالتضحيه ماله مثيل
الهادي وابنه العسكري رمز الوفاء
عله آل المصطفى يحله العويل
وقائم اهل البيت عزنه المنتظر
العترة الهادي النبي نعمَ السليل
بالولاء الخط ابو اليمه علي
ينكشف صافي المعدن والعميل
الواله ابو الحسنين واولاده الهداة
يفوز يوم الحشر بالخير الجزيل
والتبع نهج الخوارج ينتهي
لأن هذا النهج من أصله هزيل
************
قاسم حسين المندلاوي