لاتخدعك ضحكه بالوجه الصبوح
ولايغروك ابكلام امن البعد
غربه تفرحلك إذا اتشوفك جبير
والك اقرب ناس كاتلها الحسد
احذر اليمسح اكتافك من يجيك
واحذر الصحبه الكثر بيها العدد
ايصح قريب امرافكك لاكن حقود
ويصح بعيد ايكونلك عون وسند
الناس موكلمن ضحكلك بي امان
وذاك من ذاك اليوافيلك وعد
احذر احجايات من طرف اللسان
ناعمه وبيها طعم مثل الشهد
هاي دنيا اتغيرت بيها الوجوه
والظباع التفت ابجلد الاسد
هاي دنيا وما نفع بيها الكلام
والله يدري اشبيها يتغير بعد
الحميته من الشمس بثنين اديك
ممكن ايعوفك الوحدك بالبرد
والعلى اكتافك صعد من يسألوه
يبتسم ويكول من جد وجد
والتعلمه الحجي وكل معنى الكلام
ابظهرك ايذم بيك ويطعنك عمد
والتعلمه ايصيب عدوانه سهام
انت قبل الناس ايصوبلك اشد
صدك من كال اليبجي امشي وراه
وابد لاتمشي ويه المضحك
رد مع اقتباس
المشاركة الأصلية كتبت بواسطة ٱلكےـٱتُےـبّےـة ♥ ٱلأنٌےـيّےـقَےـة
