هنا

[رمـْـْْـْــــــــآڊ]

َ
بصوت عمار الكناني رددوها ...
عن لسان االام الفاكدة عزيز
َ
يل امعودني اتلكاك وين الكاك
اعاين صورتك وجه الحياطين
احط تراب كبرك من احن بالبيت
على راسي ويصير بهيبتك طين
وين الكاك اخذني وياك . علة مهواك
يل ملكاك يبشر يم الحسين
اصل الليل حسبالي اعلة دك الباب
واشد عيوني لاجن غيبتك عين
لو تدري بوداعك شنهي اخذت وياك
اذا حن كلب الام مو مرة لو مرتين
يل مهججني تالي الليل بالبيبان
خاف الله ودرد وياي
يلي غيابك هلاك وشوفتك ماي
استاذن الله وخل اشوفك دين
وين الكاك ... يل مرماك صعب العين توصلة

رماد 2017.8.22

[ღ عِشق ღ]

روعةة ..

سلمت يداك

[رمـْـْْـْــــــــآڊ]

َ
مشتهي وياك بذنب جوة الغيوم
وبوسط عركة وزحام انفت بدينة مرارتة
نستغل لحظاتنة بفك الخلود ..
نملي الفراغات ونسكن اوجاعنة
وبلاية موعد ...
لحد ما تحترك انفاسنة من اشرارتة
خل تصعد اهات الذنب يم الرقيب
وخل تمسح الكصة بعركها وشالتة
;شمس الله من اتشوفة يطلع
نورها ايغشي النجوم ...
والكمرة تخجل من تحس بحرورتة

[ღ عِشق ღ]

راقي الاحاسيس تقييمي

[زنو زنو]

الله الله

[رمـْـْْـْــــــــآڊ]

راقي الاحاسيس تقييمي

الله الله

شكرا جزيلا لكما ...

[رمـْـْْـْــــــــآڊ]

َ
وددت تقبيل ذلك الطفل الذي لم احظى ان اكون والده ... الطفل الذي احتجزناه في قلوبنا قد ايقظ الهفوة وابتعد ..
الا تهب الهوى حين يشق طريقه ..
ايفارق ذل العيش دون مغيث
ها قد تلا في القلب اعجازه ضروة حتى انحنت اضلاعه المستقيمة ..
اود ايضا العبث بثغرات تلك الضفيرة ..
قد حكتها ولن يفك شفرتها غيري
بذلك المنعطف كنا نقف خلف طوابير المياه حينها كنا نلتقي بعفوية .. عندما تطلبين من والدك ان ياتي لطلب اجرتي ..
جرت الليالي والايام وها قد كبر حلمنا في احضان غريبة ... الا وحقا بدى للبرق حين يشع في وقت الضحى لا هو ينزل ولا ياخذني اليك ... اهفت بريح النظرات
ادلو بدلوها شكوى .. اتذكر حين كانت ابتسامك يتبدى لها طرف الغيم لم اعد اتقن الحديث في اعقاب الشلل الذي اصابني
ها انا حينما تكون بعيد يصيبني الذبول وتبدأ صدفات الوجه بالتقعر

َ

[رمـْـْْـْــــــــآڊ]

َ
َ
الكلام المالة حد متروس جفة غبار .
كبرنة اعلة الحلم عشناها وسط اعذار ..
كبل نتغشمر بليلة عتاب وحور ...
عشكنة الجنة بس ندري النهاية النار ...
حفظناها بظهر والغيب ساهر عون
وعشنة بليلة سودة وبالقناعة انهار
مرات نقنع بالاكو وبالماكو نبني اسنين
و نوبات صدفة الكلب يتذكر ويحتار
يصفك بدينة ويذم بكلبة هيج اختار
صعب الحلم مو ياهو كظة الجان
مرات حلمك بشر نص الدرب ينهار
ونوبات حلمك عمر مايمر بيه خوف ...
ينقص عمر كل ما يمر بيه خطار
ساعات كلبك يحن عل ما يحن
وتفكر الما يحن هم بيه مجال ويحن
لو صار كلبة حجار
بغيرة ما يسلم ترى من كزازة
و شما ادير النظر
وحدة النظر يندار
ويندار النظر لمن يشوف اعزازة


رماد ... 2017

[هيلــه]

َ
َ
الكلام المالة حد متروس جفة غبار .
كبرنة اعلة الحلم عشناها وسط اعذار ..
كبل نتغشمر بليلة عتاب وحور ...
عشكنة الجنة بس ندري النهاية النار ...
حفظناها بظهر والغيب ساهر عون
وعشنة بليلة سودة وبالقناعة انهار
مرات نقنع بالاكو وبالماكو نبني اسنين
و نوبات صدفة الكلب يتذكر ويحتار
يصفك بدينة ويذم بكلبة هيج اختار
صعب الحلم مو ياهو كظة الجان
مرات حلمك بشر نص الدرب ينهار
ونوبات حلمك عمر مايمر بيه خوف ...
ينقص عمر كل ما يمر بيه خطار
ساعات كلبك يحن عل ما يحن
وتفكر الما يحن هم بيه مجال ويحن
لو صار كلبة حجار
بغيرة ما يسلم ترى من كزازة
و شما ادير النظر
وحدة النظر يندار
ويندار النظر لمن يشوف اعزازة


رماد ... 2017

رائع

[نـايـا]

كل حرف كتب هنا رائع
دمت رماد ^^