هنا

[رمـْـْْـْــــــــآڊ]

ورايد ابعينك تحاجيني وتبينلي اخبارك
بس اشوفك مستحي
واضح ابعينك جرح احوالك
ما تكدر تسكنهة
وعلة طول الدهر تشغل الك بالك
عمرك ونين
واسمك حزين
وضيعت كل السنين
ابعشك اكلة الحنين
وكمت تنضر خيالك
حسبتة انسان وعايش ابجالك

تريد الي يعوضك
ويصفي بالك
ادري ابحزن تكضي النهار
وادري ابحلم اسود لياليك
اعرف الدمعة التدك بابك
وعشك بيك اينوح
ويكطع ابحزنة اوصالك
وتايه ابصحراء غبرة
وتطلب امن الكلب صبرة
الجزء الثاني

[سومر]

حياك الله أخي سعدنا بتواجدك حقا
وفقت بداية رائعة ومشوقة
وافتتاح لمدونة مباركة
سنكون معك نتابع ما يدون هنا
كل قصصك وكتاباتك الجميلة
من المتابعين لك

[رمـْـْْـْــــــــآڊ]

عفت عمرك
عفت دنياك
وكضت بالاه والحسرة
عبرة بعد عبرة
ونة بعد ونة
كل هاي المصايب عذبت بالك
وصارت الاشياء تتلاشى امامك
وصبح املك رماد


وضاعت احلامك
واعرف ليش تعتب علة اليل
لانك ما نضرت الصورتي اكبالك

واني امامك واكف انضرلك
وعايش حتة باحلامك
او احاميلك على دارك
بس كون تقبلني صديقك
احجي ما احجي اسرارك
وهمومك واسيهة
بس كون تحجيهة
لا تستحي احسبني جيرانك
الضلم سادك
ابحزنة اماتك
الجزء الثالث

[رمـْـْْـْــــــــآڊ]

ودمعتك ما توكف
ورايد اتعيش ابدوائك
ينهي دائك
من عذابك
من عتابك
ابهذة مصابك
زدت ابكتابك
وانتة حي تدرك وجودك
وغيرك يعتقد انك مشيت
عتب وية عتب ......... ما منة مجال
وكلهة اسبابك
منك بدت ........... بيك انتهت
الكون ضاق اعليك واتحاسب ابذاتك
وصرت تشعر ميت وموجودة روحك

والهوى ما تكدر تحصلة
من هيامك ...... من عذابك
وصار الحزن دولة والسكان دمعاتك
وكثرت مصايب دهرك ابكدك
حفرت حفر في كلبك
وحتة نستك اسمك
بس رغم حبك الاخرتك
صارت الدنية سوادك
واكثر من عباداتك
وتهجد في صلاتك
وصفي حساباتك
واستمر ابحياتك

واستمر هذة النهج
ولا تحزن علة الي فاتك
وابدي ابعمرك
وانسة اهاتك
استمر ابحياتك
استمر ابحياتك
استمر ابحياتك .......... شعلة امل نحو الحياة يرسمها القمر بصورة مبهمة بالسحر المنشود

[رمـْـْْـْــــــــآڊ]

جرح بلادي هل من دواء




انشدك يل تصيحا ليش تبجون ... وتذرفون الدمع لحسين ولولدة
هم يوم ابحياتك شاهدت ... شط من الدمة ويحتاج سدة
لو يوم ابحياتك والدك ... يذبحونة وتناضر عينك اتصدة
لو يوم ابحياتك شفت ابن ... يخلي ابجيبة عبوة الضالم ابوغدة
لو يوم ابعيونك شاهدت .... ابن يصرخ لبوه لو طاح عد وعدة
وعلة جثتة ينام ايكول ما اروح... اضل يم ابوي ويمة اتسدة
ويكلة اكعد يبة وشوف البرد ... يمن انتة الغطا ابساعة البردة
ويذب روحة اعلة صدر الابو ... يجرونة ويكلهم لا فلا اهدة
وتشوف اعيونة تنعى ابالم ... شنهي الذنب ضاع افضل امل عدة
كلنة الخير راح اسراب ايردنة ... ثاري السرب راح وباعد الردة
كثرت ليالي الحزن من الجروح ... وما شفنة ابد راحة مخدة
لهذة اتشوف نصرخ للحسين ... لان مبنى الهموم وصرخة للشدة
نغمض العين بلكت تهدة يوم ... نشوف اطفال تصرخ لا فلا تهدة
تطب المنطقة اتشوف البعيد ...لان لبيوت متفجرة ومنهدة
وتشوف المنطقة ابلاية سكان ... تسمع صوت الابرة ابحسبة الربدة
ما تنضر زرع اخضر ولا ماي .. تنضر الصاروخ متفتح شكل وردة
وهم يوم اسمعت واحد فقير ... كال انة اشبعت واتوجه ابحمدة
مواقف يعجز السان القلم بيهة ... بدل كل منتزه صارت قاعدة
وبدل متقدم كبش تفدية ... تقدم نحرك ابدال الكبش يفدة
وصارت النخلة بدل ما تطي لثمار... تطي طلعة امن الطلق متحشدة
وصارت بدل انوار الطريق ... ابيوت مشتعلة وتضويلك الرمدة
والمدارس بدل تدريس العلم ... تعلمك عل السلاح اشلون تتحدة
قصيدتي هدية الى العراق الجريح ........ بقلمي

[رمـْـْْـْــــــــآڊ]

اعطني يداك وخذ جناحاي
خذ جناحاي كي تحلق في السماء الصافية
من تحت الظلام
كان الوقت منتصف الليل
والظلام دامس
ولا يمر الضيف الا وانخرس
تحت سماء النجوم
وكانت متلئلئة
كنور الشمس
والهواء يداعب بهدوء انغام الطبيعة
جلس من الحلم ......... ويحكي قصته
فقال يداي اين هما لا ايها الطير اعدهما الي
لماذا تاكل بها
لماذا اخذتهما ؟
فقال الطير :
مالك باليدين وانت لك هاتين الجناحين
فدع يداك تروي عطشي وجوعي
وطر انت بالجناحين
فانهما افضل من اليدان
فطر انت
ودع يداك تسد جوع رمقي
فذهب الطير باكيا
وجلس من الحلم .......... بقلمي والفكرة عن قصة حقيقية

[رمـْـْْـْــــــــآڊ]

كافي من الزعل ما بية حيل

كافي من الزعل ما بية حيل ..... روحي ملت بعد ما اضن صبر بية

كثرت الزعلات يا حبي المهيم .... ابجلمة وحدة اتعوفني وتزعل علية

انة ما شايف حبيب ابحالة مثلك.... روحي طكت ما اعوفك مو بدية

لو بيدي عفتك لا ولا هل الضيم .... اتعوفني وكاتب الك روحي هدية

وهسة صرت مو زين عندك ..... صرت انتة الفارس او انة الضحية

هم شفتني اوياك فد يوم اغدرت ... وما لهجت اباسمك ابصبح او مسية

من تغيب ادموعي تنزل درار.... اتغرك البحر لو صارت قوية

امنت بيك او صرت اعمة اوياك ... لان النضر انتة وعيني من جنبك عمية

كلولي هذة ايعذبك عوفة يمكرود... كلت يفدي حياتة واعيونة الية

بقلمي

[رمـْـْْـْــــــــآڊ]

كاتب امل
ليش الفقير ايصير بالرجلين ................ والغني يصعد يدوس ابراسة
عمره كاضيه ابحزن وجروح............... من الفقر محسوبة حتة انفاسة
محتار كيف الملكة وية الناس............... لان ما عدة مثل العدهة ناسة
يجي العيد تلكة ايدة اعلة خدة............... صعبة انوب اجة وهيج احساسة
ينضر للغني ابملبس جديد.................. وهولازم سنة ايكمل لباسة
ماكو عدل لا اتكلي موجود ................ بس يم الاله الثبتة ابساسة
الحكنة يابو حسين شوف الصار........... الفقير ابحاجة الك وابحاجة ماسة
ياابو الايتام ياعيلة الفقرة................... شوفتك تفرح فقير ابكلمة هماسة
هسة بعدك هاا بقينة ابلا ابو .................. الحزن طر العيون وخدنة باسة ..... وخدنة باسة
السلام عليك يا سيف الحق يا قران الله الناطق اغثنا يا امير

[رمـْـْْـْــــــــآڊ]

ليس كل عاشق عاشق ......... فيذكر احدهم مقولة : وهي العاشق باشق ,,,,,,
والى اليوم لم تعرف معنى الباشق
كما هي حلم وسراب يفسره بعض الناس
او لقاء الزمن الاخر
الزمن المجهول

[رمـْـْْـْــــــــآڊ]

سارحل غدا ,,,,,,,,,,,,,,,, سارحل غدا ,,,,,,,,,,,,,,,,عن لسانها :

فما تقول : صمت لحظات واخذة يتمشى بين اركان السراج


واخذ يتمتم بكلمات الغربة والوحدة

فقال :
من لي غيرك ؟

من سعينني اذا ذهبتي ؟

هل ستتركيني بحالتي المزرية ؟

قالت له :
لما لم تجعل حياتي كسراج البيت ؟

لما اهملتني بغربة الاحزان ؟

والان تطلب بقائي ؟

لما لم تعرف شعوري مطلقا ؟

لما كنت ساهرا بذكرياتك الراحلة ؟

وداعا لن اكون لعبة رخيصة الثمن ............يتبع