لشوكت انتظر فاتاني حته الموت
لشوكت انتظر فاتاني حته الموت
ضال شعندي واكف المن انتظره
خل استر الروح اوالحك اعله امجان
انترست كاع الله ومابقت حفره
واذا يرجع بعد شيفيد طكني الشيب
وماباقي بالروح اي ريحه للخضره
عصف بيه الخريف وضيع الثمرات
وسوالف البيه اتحولت صفره
ماضلت ترافة وذبلن الوردات
انمحت ذيج الحديقه وصبحت صحره
فرهدني الزمان وفلش البنيان
هوه شضال حته انرده ونعمره
لجن الصوج صوجي جامليته هواي
يطعني وشجعه ايعيد هاالكره
حنضل وجبتي وكلمره اكول الله
طيبة الاكله اكله وماكلت مره
شكثر كاسرلي خاطر لجن ليهسا
بظفره ايحفض كلبي ومارضه يكسره
استغرب كمت لو شفت وجهه اندار
خلصت عشرته منطيني بس ظهره
منتظر الراشدي
رد مع اقتباس
