عجبني الحزن من مرلي حزنان
يمعود كلتله شصاير شبيك
علي وجهه ثكيل وجنه زعلان
وكال اسكت بعد ماريد احاجيك
وكال انسى كبل جنه احنه خوان
ولتفكر اذكرك لو امر بيك
فكرت وسالته وياك غلطان
ما اذكر كبل حاولت ائذيك
ضحك ضحكه طويله وكال بطران
شمالك صدكت وحدك اخليك
واذا عفت البشر انت اخر انسان
ما اعوفك جذب بس ردت اشاقيك
من بابك امس مريت بسكوت
خفت احجي وافزز ذيج الايام
أثكَل يا كَلب لا تطفر شبيك
عوف المو إلك جا هية وليه
مثل فاقد اصيحن لمن اشتاك
الك حنيت يالماخذ نظر عيني
اذا فيروز كالت سألتك حبيبي لوين رايحين ؟؟؟
انة وياك اروحن حته للموت.....
تدري شكد غلاتك ياضوه العين
بغلات اخر نفس عند اليغركون
اصيرن جفن لاحبابي وظل عين
واظل بالشده واكفلك وظل عين
ست اعظام اكسرلك وظلعين
سويهن جسر وتمر عليا
عجيبه الخيانه بكل سهوله تصير
والاكــثر عجب الخــانك تثق بي
قبــل جان اليــخون يدنك الــراس
وهسه يخون ويمشي ومانحس بي
تـــره يـــوســف اخـــوانه ابيـــر ذبو
وانت البـــير جبته وكتلي طـــب بي
عليك الروح كلش حيل ولهة
وما ناوي اللعـب ويـاك وألهة
فكرة تبتـعـد عن البـال ولها
وفكر شلون من نبقى سوية
عجب رضيت البعد عني لا يودي
و لا يجيـب الكلـب دمي لا يودي
أنة مشيت بكل درب ألك لايؤدي
شجـاك و خضـراء كالـب عليـة
