هنا

[فقار الكرخي]

الاحبها اهواي حلوة لا تكلي اشلونها ..
اني احس بروحي عايش من اشوف اعيونها ..
مو مثل باقي البنات ..
تارسة اعيوني حلات ..
لون ما شايلتة وردة اشلون اوصف لونها ..
الاحبها اهواي حلوة لا تكلي اشلونها ..
الاحبها بيوم تطلع يطلع اوياها الجمال ..
هية لو نادتني احسها الجنة كالتلي تعال ..
كلها تسألني عليها ..
شرد اجاوب كلشي بيها ..
اني اسميها ملاك وانتو شسمونها ..
الاحبها اهواي حلوة لا تكلي اشلونها ..
الاحبها بيوم اجتني اجت بية العافية ..
هية للتعبان راحة اشكد حنونة ودافية ..
يا غلاها ويا هواها ..
من وجهها يشع ضواها ..
وخل اوصفلك شعرها الليل فوك امتونها ..
الاحبها اهواي حلوة لا تكلي اشلونها ..

[احمد جبر حمود]

شكرا جزيلا

[مشاعر بريئه]

رائع قصيده جميله جدآ فالابداع انتم عنوانه
دمتم بخير ...كل الود

[فقار الكرخي]

نورتو الموضوع